2026 下旬

* 「許善」生日助人計劃🎂 2026年9月生日之星✨ *

2026.9

感謝以下12位9月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Donna姐 ⭐Gigi Woo ⭐Kenneth Chan
⭐Dicson Hung ⭐Martin Hui ⭐Brian Tse
⭐Felicia Law ⭐Raphael Hui ⭐Susanna Wong
⭐Lucy Chan ⭐Tracy Yeung ⭐Isabella Lee

* 長者探訪活動@流浮山 🏠❤️ *

2026.08.13

星期四一早，我哋就喺天水圍港鐵站集合，出發前往流浮山深灣路嘅「流浮・東寓」過渡性房屋 🚌💨

到達後先由聖雅角福群會職員同大家進行 Briefing，了解今次活動安排，之後就開始搬運物資到15個長者居住嘅單位 💪📦

今次探訪活動，我哋主要為長者送上風扇，希望喺炎炎夏日為佢哋送上一份清涼 ☀️🌬️❤️ 義工們要搬上搬落之餘，亦親自安裝風扇，幫長者處理好使用上嘅需要 🔧😊

平日做義工服務，相比 Weekend 確實比較難招募人手。除咗有幾位「許善」義工，今次好感恩有同我哋一直緊密聯繫嘅其他機構義工同埋聖雅各嘅義工師傅抽時間參與義工服務 🙏🏻，真係十分感謝大家支持❤️

* 🍱 26年8月｜北角派飯派福袋活動 *

2026.08.02

今次活動一早已經知道好大機會落雨🌧️，點知朝早真係落起黃雨警告⚠️☔。不過，風雨無阻，義工們一樣輕裝上陣，準時到達現場💪🏻

去到現場，已經見到一班老友記擔住遮、排晒長龍等候👴🏻👵🏻☂️。為咗盡量縮短大家喺雨中嘅等待時間，義工們即刻加快動作，大家分工合作，爭取用最快速度完成派發📦🍱

喺大家眾志成城，齊心合力之下，好快就將 200份福飯福袋全部派出！🎉❤️

🙏🏻 感謝每一位義工，無論天氣點樣，都願意出一分力，將一份福氣、一份溫暖送到老友記手上。

*🌾✨ 立秋包福袋活動 ❤️*

2026.08.01

迎接立秋，許善慈善基金再次舉行包福袋活動🥰。今次活動有好多新朋友參與，大家都係由原義工邀請而嚟，當中更有唔少一家大細一齊參加👨‍👩‍👧‍👦❤️

大家齊心合力，唔駛一個上晝就包好咗一共1000個福袋 🎁✨

福袋入面精心準備咗多款實用物資，包括：
🐟 沙甸魚、🍪 嘉頓餅乾、🍜 壽桃麵、🥫 地捫茄汁豆、🧴 酒精洗手液、🍵 養生茶、🍂 中國茶及🍚 福米。

完成後更即日安排物流🚚送到唔同合作機構，由機構自行安排發送。希望呢份立秋祝福，可以送到更多有需要嘅人手上，將溫暖同關愛繼續傳開去 🌾💗

感謝每一位新朋友、義工同合作伙伴嘅參與同支持！🙏🏻

* 「許善」生日助人計劃🎂 2026年8月生日之星✨ *

2026.8

感謝以下10位8月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Kwan Yuk Yue ⭐Elki Tsang ⭐Sylvia Chiu
⭐Eric Lau ⭐Louie Chung ⭐Ken Lee
⭐Ken Chow ⭐Henry Hui ⭐Lui Yui Kai ⭐Lupino Cheung

*🏡 長者探訪活動 ❤️*

2026.07.04

今次活動探訪咗 8位由聖雅各福群會安排嘅獨居長者。義工們一早帶同早前準備嘅福袋，以及由聖雅各福群會送贈嘅小家電，包括電磁爐、電飯煲、風扇等，分成兩隊出發，將關懷送到長者家中。🛍️🏡

唔少長者收到新電器都十分開心，而義工亦即場協助安裝及講解使用方法。今次其中一隊更是「全女班」上陣，安裝電器、搬運物資一樣難唔到大家，充分展現團隊合作精神！💪✨

感謝聖雅各福群會的安排，亦衷心感謝每一位義工抽空參與，因為有大家，令更多長者感受到社區的關愛。🥰

* 「許善」生日助人計劃🎂 2026年7月生日之星✨ *

2026.7

感謝以下14位7月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Hikaru Shek ⭐Nancy Leung ⭐Warren Chan
⭐Maggie Zhang ⭐Homan Leung ⭐Gabrielle Zhou
⭐Stephen Loh ⭐Catherine Liu ⭐Lily Lau
⭐Katherine Hui ⭐Alkie Tang ⭐Vincent Hau
⭐Gary Lam ⭐Lyon Lau