Xu Shan Charitable Foundation
💖Promote and continue the caring spirit and release positive energy💖
2021 下旬
* 🎉「我要承傳」- 生日助人生日會🎉*
2021.12
繼上次Victoria 小朋友牽頭舉辦「生日助人」生日會後，另一個充滿愛心❤️嘅小女孩 Eiley 朱倩瑤繼續接棒；喺上星期日舉辦咗「許善生日助人」生日會🎂
Eiley、屋企人同好朋友，喺「許善」導師帶領下一齊學整鷄旦仔！有得玩、又有得食！
Eiley 生日自己慶祝開心之餘，不忘關懷其他冇咁幸福嘅小朋友。所以佢鼓勵朋友仔全部唔好送生日禮物；改為捐款去「許善」； 結果成功籌得善款以作「許善」日後活動之用。代「許善」基金會受惠人，包括基層家庭兒童，獨居老人等等多謝你！
👍🏻👍🏻👍🏻
祝Eiley 身體健康、學業進步；並將佢嘅善心同正能量繼續發放！💪🏼💪🏼💪🏼
* 「許善」 x 聖雅各福群會 探訪送暖行動日💕*
2021.12
「許善」已經連續多個星期出動進行義工服務💪，剛剛的12月18日星期六，「許善」一眾充滿愛心的大小義工再次兵分三路🚶♀️🚶，係聖雅各福群會的安排下，將之前準備的300個冬至福袋其中部份親手逐家逐戶送到有需要的長者手中🎁。
送暖當然唔止福袋咁簡單，在與長者閒談期間🗣️，義工發現長者面對不少問題，包括唔識點打電話同國內女兒聯絡及因視障而未能運動等，義工Letty即時借出自己電話📱並協助長者致電國內女兒，另外義工Roger亦為視障長者未來安全運動作安排。由於與聖雅各福群會已多次合作，當中亦有唔少長者記得許善，仲同義工傾得好開心添🥰!
「許善」祝大家新年快樂及Stay Healthy❗亦感謝聖雅各福群會的安排及大小義工的參與 🤝
*「非物質文化遺產」 之「我要承傳計劃工作坊」及活動日 *
- 錦江小學 -
2021.12
只要有心💕，距離就唔係問題！係11月12日星期五，「許善」組織咗二十多名充滿愛心❤️的義工去到位於長洲嘅錦江小學舉行由「美昌集團」Roger Ngan贊助嘅慈善全方位學習活動日。當天都未光，義工已經攞住大量物資，喺中環集合搭7am船🚢前往長洲！工作坊主要目的是宣揚及承傳非物質文化遺產，當中包括中國書法、剪紙✂️、麵粉公仔製作及中國國粹「變臉」表演等等。全校同學🏫都一同參與，寓學習於遊樂🥳！
現剪輯咗當日活動精華🎞️同大家分享，立即去片啦！
*「我要做導師」剪紙班✂️ *
2021.12
為咗精進技術🔝，就算係星期日，一眾義工都抽空去到國寶級「李雲俠剪紙藝術」接受李雲俠老師教授剪紙並參觀剪紙作品展覽👀！希望日後嚟班義工個個成為許善慈善工作坊中國剪紙導師，令更多基層小學生受惠，期待為大家帶來更多不同的剪紙技藝❗
* 麵粉公仔工作坊 *
- 中華基督教會拔臣小學 -
2021.12
剛剛個星期六，除咗有一班大朋友+小朋友義工為老友記準備冬至福袋之外💕，許善亦兵分兩路◀️▶️再次前往已經多次合作的屯門拔臣小學進行麵粉公仔工作坊👩🏫👨🏫。導師們傳授咗用麵粉製作粟米及國寶熊貓造型的方法，各位同學的成品亦十分高水準💯!
*《許善冬至福袋日》小朋友組 *
2021.12
最細嗰個小朋友得三歲😱～
細細個已經有幫人嘅善心，抵讚！👍👍👍
鳴謝贊助我哋物資的和興白花油、士多Ztore、金鳳香米-聚大行、飛達帽業、Ms. Nancy Leung、Ms. Iris Leung 同埋 Ms. Polly Shum (排名不分先後)
*《許善冬至福袋日》大人組 *
2021.12
今朝一大班好有愛心既義工為老友記們準備冬至福袋啦！齋睇相都feel到佢地幾有❤️
正所謂冬大過年，喺一個咁重要既中國傳統日子，希望老友記們能夠感受到我哋送來的一點溫暖。
鳴謝贊助我哋物資的和興白花油、士多Ztore、金鳳香米-聚大行、飛達帽業、Ms. Nancy Leung、Ms. Iris Leung 同埋 Ms. Polly Shum (排名不分先後)
* 冬至福袋包裝日 *
2021.12
香港善心人士及企業真是很多，承蒙 士多 Ztore 、 Greendotdot 、飛達帽業控股有限公司及梁美寶女士捐贈大量物資，許善一眾義工再次於12月初齊集，一同包裝福袋，並經由 聖雅各福群會 St. James' Settlement - Official 向基層及獨居長者致送共500個福袋。聖雅各福群會及部份受惠者均表示從未見過這樣豐富的福袋! 歡迎個人及企業捐贈物資及合作，向更多有需要的人士分享愛心。
鳴謝:
ztore士多
點點綠
飛達帽業控股有限公司
梁美寶女士
* 中國剪紙工作坊 *
- 中華基督教會拔臣小學 -
2021.12
「許善」義工今日又再晨早出發，去到了屯門拔臣小學進行中國剪紙工作坊。
* 彩虹書法班 *
- 中華基督教會拔臣小學 -
2021.11
「許善」義工馬不停蹄，今日又一早出動去咗屯門拔臣小學，圓滿舉辦「美昌集團」Mr. Roger Ngan 贊助的彩虹🌈書法班。
*「非物質文化遺產」 之「我要承傳計劃工作坊」*
- 鳳溪第一小學 -
2021.11
「許善慈善基金」 - 美昌集團 Mr. Roger Ngan 贊助 非物質文化遺產之我要承傳計劃工作坊又再次舉行喇🥳！
今次我地去咗位於📍上水的鳳溪第一小學，工作坊內容包括中國書法、剪紙✂️及彩虹書法班🌈，同學們除咗專注學習之外，作品完成度亦十分高，而且更充滿色彩及創意添💡！過程中朱校長亦抽空參與，和同學仔一齊互動添❣️
*「悅和醬園」義工考察同樂日 *
2021.10
早前我地好榮幸有機會參觀古洞 - 悅和食品廠，並由「悅和醬園」第三代傳人Jack 親自講解🙏🏻🙏🏻🙏🏻
是次活動係為來年慈善親子同樂日作好準備，並順道與一班平時勞心勞力嘅義工同樂一天。
大家除咗學習到醬油嘅製作過程外，仲學埋點整茶粿添… 又有得玩又有得食，正呀👍👍
*「非物質文化遺產」 之「我要承傳計劃工作坊」*
- 中華基督教會拔臣小學 -
2021.10
美昌集團 Mr. Roger Ngan 贊助
昨日同學仔睇完好精彩的中國國粹「變臉」表演後，仲有機會親身試下！
*「非物質文化遺產」 之「我要承傳計劃工作坊」*
- 中華基督教會拔臣小學 -
2021.10
美昌集團 Mr. Roger Ngan 贊助
昨日咁精彩的中國國粹「變臉」表演，當然要同大家開心share啦！
*「非物質文化遺產」 之「我要承傳計劃工作坊」*
- 中華基督教會拔臣小學 -
2021.10
「許善」「非物質文化遺產」之「我要承傳計劃」工作坊開幕禮，昨日係一片歡笑聲下順利舉行！
很高興我們安排了中國國粹「變臉」表演，但由於疫情關係，只有小部份嘅同學能在現場觀賞，不過餘下的亦都可以喺班房睇直播；
另外我地今年好榮幸得到May Cheong Group 美昌集團Mr. Roger Ngan 贊助整個工作坊的開支，萬分感謝🙏🏻
*「我要承傳工作坊」- 生日助人篇🎉*
2021.10
有冇諗過生日自己開心開party慶祝同時都可以做善舉🤔🤔
今日我哋只有9歲嘅Victoria 黃子恩小朋友就帶頭做到啦！
Victoria 今年慶祝生日，選擇喺屋企同幾位朋友仔一齊學整非物質文化遺產之一嘅鷄旦仔製作技藝！有得玩、有得食，幾個女仔不亦樂乎。
而且小小年紀已經充滿愛心，鼓勵朋友仔唔好送生日禮物；改為捐款去「許善慈善基金」當禮物。認真抵讚 ！
👍🏻👍🏻👍🏻
*🎉許善粵曲福袋日 *
2021.09
幾位好熱心既義工代表去左慈雲山文娛康樂社同一班老友記齊齊嘆粵曲
有粵曲聽之餘，仲有早前準備好既福袋拎，唔洗講都知道老友記好開心🥰🥰
* 中秋福袋派發日 *
2021.09
事事親力親為的主席今日連同聖雅各福群會的社工，一起將中秋福袋送給老友記💕💕
*🎉中國吉祥結 網上教學影片🎉*
2021.09
早前我們好榮幸邀請了張導師教義工們整中國吉祥結，並透過循道衞理亞斯理社會服務處，將製成的吉祥結連同文具福袋一起送給一班小朋友！
事不宜遲，大家一齊整啦喂📢📢
* 中秋福袋派發日 *
2021.09
嘩！！原來聖雅各福群會已經將較早前整的福袋送到老友記手上啦👏🏻👏🏻👏🏻
希望老友記喜歡我們送上的一點心意
在此謹祝各位中秋節快樂，人月兩團圓
* 中秋福袋包裝日 *
2021.09
今次我們為聖雅各福群會和慈雲文娛康樂社準備了一共300個福袋送給長者。
🌝在此謹祝各位中秋節快樂，人月兩團圓
特別鳴謝贊助我們的Ztore、白花油和阿鴻小吃；還有出錢又出力的 Polly Shum 女士慷慨解囊啦～
*「非物質文化遺產」 之「我要承傳計劃工作坊」*
2021.07
「許善慈善基金」為推廣「非物質文化遺產」不遺餘力💪，多次與不同團體及學校舉行工作坊。本年3月初，「許善」於屯門堂幼稚園第二校舉行了麵粉公仔製作工作坊，一共有三十多位同學及家長參與，由馬潔雯師傅的指導下👩🏫，一同用麵粉製作粟米🌽及熊貓🐼造型的麵粉公仔。在親子互動下，同學成功製造出可愛的完成品。感謝屯門堂幼稚園第二校的安排，導師的耐心教導，同學與家長的積極參與。