2026 上旬

* 「許善」生日助人計劃🎂 2026年4月生日之星✨ *

2026.4

感謝以下12位4月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐SY Kwok ⭐Bonnie Lo ⭐Louis Yan
⭐Johnny Wong ⭐Susan Chu ⭐Jason Chan
⭐Sabrina Chui ⭐Arnold Leung ⭐Olivia Hui
⭐Anderson Chan ⭐Scarlett Mak ⭐Eunice Leung

* ✨ VSA Family Fun Day 2026 ✨*

2025.03.022

好感激連續第三年獲滬江維多利亞學校邀請參與佢哋嘅開放日，今年我哋首次帶埋「許善」旗下人氣品牌 Chicken Egg Boy 一齊登場，同時亦繼續設有中式剪紙工作坊 ✂️

Chicken Egg Boy 攤位全日大排長龍 🥚😋，義工幾乎無停過手，氣氛非常熱鬧🔥；而中式剪紙就成為親子互動時間 👨‍👩‍👧‍👦，家長同小朋友一齊跟住紙樣剪出各式各樣嘅作品，學習非遺文化✨

感謝校方嘅安排，令「許善」可以透過活動籌募善款，服務更多有需要嘅人 🙏 亦感謝支持我哋嘅家長們 ❤️ 最後當然要多謝一班由朝忙到晚嘅義工們 💪🌟

*🧧26年3月｜北角派飯派福袋活動 *

2026.03.15

嚟到三月中，今次北角派飯派福袋活動已經係2026年「許善」第15個活動，真係要感謝各方支持🙏

今次活動仲有新義工加入，每次見到有新人加入都好感激，證明社會上仍然有好多人願意付出時間幫助他人 🙌

活動中見到好多熟悉的公公婆婆 👵👴，大家互相認得，簡單打個招呼，寒暄幾句。喺大家分工合作之下，福飯同福袋就好快順利派哂喇💪🍱🎁

感謝每一位參與義工嘅支持❤️

*保良局慈善盆菜宴 🍲 *

2026.03.14

今年「許善」第二年參加保良局舉辦嘅慈善盆菜宴，今次我哋邀請咗一班葵涌邨街坊一齊出席。

首先十分感謝善長蕭志成博士慷慨捐出 4 圍盆菜 🙏 我哋亦準備咗感謝卡邀請街坊填寫，向善長表達一點心意同謝意 🫶

當日盆菜熱辣辣、份量十足 🍲😋，大家食得開心之餘，仲有精彩表演可以欣賞 🎭🎶 同埋抽獎環節 🎁，街坊們都好 enjoy 😄 保良局仲為每位參加者準備咗福袋同大桔 🍊🧧，寓意好運同祝福。

感謝循道衛理亞斯理社會服務處協助安排街坊參與 🙏 亦多謝「許善」義工們嘅幫忙同付出 💪❤️

* 馬年立春包福袋活動 🧧🐎✨ *

2026.03.14

馬年第一次義工集合 🙌，星期六一早開工一齊準備包 1000 個福袋 🎁 送俾社區長者同街坊 👵👴。

今次活動喺經驗豐富嘅福袋籌委 Leader Elizabeth 帶領下 💪，由事前討論福袋內容 📝、落單採購 🛒、物流安排 🚚，到現場包裝流程 📦，都安排得井井有條👏 大家齊心協力之下 🤝，1000 個福袋一個上午就順利完成 🎁✌️

福袋入面裝滿實用又貼心嘅日用品同食品，包括牙膏、紙巾、嘉頓餅乾、越南香米、壽桃牌淮山麵、地捫粟米粒同茶葉，希望為收到福袋嘅各位帶來一點溫暖同心意 🫶

特別感謝法國巴黎銀行嘅贊助同佢哋同事嘅參與 🙏👏 亦多謝「許善」義工們嘅愛心支援 ❤️🌟

* 「許善 x CEB」慈善電影日 🎬🍿*

2025.03.02

繼上年慈善電影日反應熱烈，今年我哋再接再嚟❤️同100個街坊（包括劏房戶及臨時房屋居民）一齊嘆popcorn 睇好戲。

「許善」同 CEB 嘅義工更準備咗福袋🎁 「許善」福袋送俾大家，𥚃面仲有CEB 雞蛋仔Coupon 㖭！

當日好榮幸邀請到古天樂親臨現場謝票🎤 古生仲幫大家簽名、合照📸，現場氣氛即刻升溫🔥 不少街坊完場後都話：「有好戲睇之餘，仲可以見到古天樂，真係好開心！」🥰

衷心感謝善導會及SoCO 協助邀請街坊參與，另外亦要特別嗚謝無私贊助的善長們，包括贊助門票嘅Roger，贊助爆谷卷嘅Rimsky，贊助大小福袋嘅Natalie。最後仲要多謝「許善」 x CEB 義工們嘅用心付出🙏💪

* 「許善 x Freemason」合辦慈善新春午宴 🧧🍽️🎉*

2025.02.25

「許善」首次與 Freemason 合辦慈善新春午宴，於 2026年2月25日邀請 100位長者共度溫馨下午，年紀最大嗰位有90幾歲。💪🏼👵🏻👴🏻💖

義工團隊一早準備禮物：一組負責剪出「善」字及「囍」字，另一組製作福袋及財神蔘茶包❤️✂️🧧🍵

午宴於雍仁會館舉行，由Freemason 鄧梓峰與「許善」 Nancy 拍檔擔任司儀，氣氛熱烈。活動包括變臉表演、粵曲演出、抽獎問答，義工Fred更化身財神派利事。最後義工送上福袋，祝福滿載。🎭🎶🎁🧧✨

不少長者平日難得出遊，今次「又食又拎」，滿載而歸。特別多謝Freemason 大隻兄弟協助坐輪椅嘅長者上落旅遊巴才可以令行動不便嘅長者都能夠參與今次咁開心嘅活動。💪🏼💪🏼💪🏼🚌🧑‍🦽❤️

感謝 Freemason 提供場地及午宴，也感謝許善義工的付出，讓愛心延續✨😘😘😘💞

* 「許善」生日助人計劃🎂 2026年3月生日之星✨ *

2026.3

感謝以下10位3月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Diana Yau ⭐Adam To ⭐K K Leung
⭐Cora Ko ⭐Desmond Chow ⭐Grace Yeung
⭐Stephanie Ng ⭐Ethan Leung ⭐Shirley Fu
⭐Thompson Chen

* 中華文化日－古彩戲法 🪄*

2025.02.13

今個月已經係第 2 個中華文化日啦✨ 今次我哋去到天水圍嘅香港青年協會李兆基小學，同同學一齊走進「古彩戲法」嘅世界🎭

為咗配合主題，部份同學仲特登着上中國古代服裝參與活動 👘✨，一出場已經好有氣氛，成個禮堂即刻變得好有中華文化味道～

活動邀請到古彩戲法星級大師愉師傅親身表演🪄 多款戲法輪流上演，大師仲走落台近距離同同學互動，現場尖叫聲、歡呼聲不斷😆👏 部份表演更邀請同學一齊參與，個個都好投入，反應超熱烈🔥

衷心感謝學校嘅邀請，亦多謝義工們嘅協助同配合 🙏❤️ 一齊用有趣、生動嘅方式，將非遺文化帶到校園，留低一個開心又難忘嘅學習體驗 🌟

*老中小聯校中華文化日 🎊*

2025.02.11

繼上年老中小活動日，今年更上一層樓，開四面台；參加活動人數超過600人！今次聯校中華文化日，由三間中小學一齊參與，包括中華基督教會基慧小學、中華基督教會全完中學同仁濟醫院林百欣中學，校方仲特別邀請咗一班公公婆婆到場一齊欣賞，場面好有愛 👵👴💕

活動前，「許善」安排咗導師為同學進行兩日訓練，二十多位同學由零開始學習雜耍同古彩戲法✨ 同學仔真係學得好快，又投入，短時間內已經掌握到基本技巧，準備上台演出👏

活動當日先由兩位導師打頭陣，十多個雜耍同古彩戲法表演輪流登場 🤹‍♂️🪄，仲邀請校長、老師同同學上台一齊玩，同學都爭住要上台🙋‍♂️🙋‍♀️ 之後到同學正式演出，個個上到台都有板有眼，完全唔怯場，表現非常出色✨ 台下無論係同學定公公婆婆都睇得好開心，掌聲不斷👏

當日我哋亦向長者派發咗 30 個福袋 🎁💛，為活動加多一份溫暖。衷心感謝學校嘅邀請、同學嘅努力練習，以及義工們嘅協助 🙏 一齊傳承非遺文化同傳揚及延續關愛精神。

* 尾牙午宴 2025｜同行第 7 年 🎉*

2025.01.31

一年一度嘅尾牙午宴，今年已經嚟到第 7 個年頭💕 呢一餐飯，由管理層全力支持及贊助，只為向一直默默付出嘅義工們，送上一份真誠嘅感謝與肯定。

大家聚埋一齊食飯傾計🍽️，回顧過去一年嘅點滴活動📸，表揚傑出義工🏅，又分享下一年嘅新計劃✨
當然唔少得玩遊戲、送小禮物🎁

衷心感謝每一位義工嘅付出，
未來，繼續一齊將善心傳承落去 🙏❤️

* ✂️🧧 聖雅各長者中國剪紙班 *

2026.02.12

今次好開心可以再次同聖雅各福群會合作，安排 25位長者 👵👴 參加我哋舉辦嘅中國剪紙班，一齊學習 📚 同體驗中國傳統藝術 🎨。

活動一開始，先由義工導師為大家介紹中國剪紙嘅歷史同唔同技巧 ✂️📜，之後再用事前設計好嘅紙樣，俾長者們逐步試唔同剪法。由淺入深，最後由佢哋自由創作。

公公婆婆都好精靈 ✨，踴躍舉手答問題 🙋‍♀️🙋‍♂️，證明聽得好投入；到真正落手剪 ✂️ 嘅時候，更加剪得有板有眼 👏👏。

完成剪紙之後，大家一邊欣賞自己嘅作品 🧧✨，一邊享用我哋香港雞蛋仔嘅小茶點同飲品 ☕🍪，輕輕鬆鬆過咗一個愉快嘅下午😊。

感謝聖雅各福群會嘅安排 🙏，以及各位義工嘅用心參與 ❤️

* 迎馬吉祥揮春街站｜第二日 🎐🧧✍️ *

2026.02.09

連續第二日，「許善」書法班再次出動。之前一日喺港島，跟住就移師九龍區，喺聖雅各福群會安排下，到訪深水埗欽州街過渡性房屋項目「雅匯」，為居民即場書寫揮春。

雖然活動時間只係由下午四點半至六點半，天氣亦比較寒冷 ❄️，但當我哋向居民送上福字同揮春時，大家都報以微笑同感謝 😊。居民較多選擇「身體健康」、「出入平安」同「福」字揮春，亦有部分要求書寫對聯，氣氛慢慢變得溫暖起來 ❤️。

憑住書法班學員嘅豐富經驗，整個街站過程順利，活動亦圓滿完成 🙌。

感謝聖雅各福群會嘅安排，以及書法班導師輝哥同各位義工連續兩日嘅投入與努力 🙏🧧 願揮春為大家帶嚟祝福，新一年平安順心 ✨

* 迎馬吉祥揮春街站 🧧✍️🐎 *

2026.02.08

上年反應熱烈，所以今年「許善」書法班再次出馬，再次回到鰂魚涌擺設揮春街站，即場免費為街坊書寫揮春，為迎接馬年作好準備 🎉🧧。

派揮春期間，有唔少街坊同我哋分享，話去年收到我哋嘅揮春，有「收到福到」嘅寓意 ✨，所以今年特別留意我哋幾時再嚟。有街坊喺樓上見到街站，一見到就即刻落嚟攞揮春 😄，今年仲多咗唔少街坊特別要求寫對聯添 📜。

街坊對揮春反應非常熱烈，中段更出現排長龍嘅情況，但大家都非常有秩序又斯文。整個過程順利，街坊同義工都有講有笑 😊，雖然寫到無停手 ✍️，但街坊都讚不絕口，話揮春寫得好靚 ❤️。全日合共 6個小時，派出超過1,000張揮春，活動總算功德圓滿 🙌。

感謝書法班導師輝哥嘅帶領，以及每一位義工嘅努力付出 🙏💛
亦藉此同大家拜個早年，祝各位新年平安、福氣滿滿、龍馬精神 🐎✨❤️🧧

* 2026年2月探訪活動 *

2026.02.07

喺農曆新年前，我哋進行咗今年第一次探訪活動。除咗早前準備嘅福袋，今次我哋另外加送咗福米同埋一份賀年禮盒，為公公婆婆送上多一份實用嘅心意 🎁🍚。

同時，義工們除咗同公公婆婆傾計了解佢地嘅情況之外，亦協助整理今次送出嘅家居電器。今次安裝嘅都係簡單、易用嘅電器，包括電磁爐同門鐘 ⏰ 等。義工們細心為公公婆婆測試新電器是否正常運作，亦耐心講解正確使用方法，確保佢哋可以安心使用。

是次活動一共探訪咗 7戶獨居長者及雙老家庭。感謝聖雅各福群會嘅安排，亦多謝每一位參與嘅義工支持 🙏❤️

* ❄️🍱🧧26年2月｜北角派飯派福袋活動 *

2026.02.01

踏入 2026 年，迎來今年第一次派飯派福袋活動 🍚🎁。再次回到熟悉嘅老地方，為大家送上一份溫暖 💛

今次除咗派飯同新年福袋 🧧同福米，仲加埋早前義工們親手用毛筆書寫嘅 ✍️🧧賀年揮春，將新年祝福送到街坊手中 🎊

✨ 是次活動共派出 200 多份飯盒及福袋，份份都代表住義工們嘅心意同關懷 ❤️

感謝每一位參與嘅義工 🙌，天氣雖凍 ❄️，但人情味濃💕。

* 🧧✨迎新年包福袋日 *

2026.01.31

農曆新年快到啦，義工們星期六一早齊齊集合，為有需要人仕準備一份又應節又實用嘅新年福袋💛

🎁 福袋內容係經過精心設計，包括：
🍚 白米、🌭 臘腸、🍪 賀年禮盒小食拼盤、🍲 湯包、🥨 餅乾、🧣頸巾

今次一共包咗 1000 個福袋，希望將農曆新年嘅溫暖同祝福送到每一位長者手中💕

同場亦有另一組義工同事親手製作 🪢中國結放入福袋之中，寓意平安、幸福、好意頭 🍀✨

特別嗚謝寿桃牌提供愛心價格，令福袋內容更充實🙏 亦感謝每一位義工嘅用心付出，一齊迎接新一年 🎉

* 揮毫送暖 🧧 新春揮春工作坊圓滿結束！🎉🖌️ *

2026.01.24

話咁快仲有唔夠一個月又到農曆新年啦！🏮🧨 「許善」每年都會為老人家準備新年福袋 🛍️，入面一定唔少得充滿祝福嘅手寫揮春！🧧🧡

今年我哋除咗寫揮春，仲特別舉行咗「新春揮春工作坊」！✨ 特別邀請到許善書法班導師輝哥及學生傳授心法 👨‍🏫，教大家點樣揮毫寫出一手好字！✍️🏻🎨

當日現場真係非常熱鬧，充滿墨香味： ✅ 資深組： 🖌️，專注為長者寫咗幾百張充滿心意嘅揮春！📜✨ ✅ 學習組：一班大朋友小朋友義工👶🏻👩🏻‍🎨，認真鑽研，將滿滿嘅祝福融入墨水之中！💦❤️

今日有接近 40 位大、小朋友齊心參與 👨‍👩‍👧‍👦，大家一齊埋頭苦幹 💦，最終順利完成咗幾百張揮春！💯 呢啲唔止係節慶裝飾，更加係送畀長者嘅一份關懷同溫暖。🔥🥰

再次鳴謝輝哥同埋一班助導嘅悉心指導！🙏🏻🙌 嚟緊呢啲靚靚揮春將會隨福袋送到長者手中 🎁👵👴，大家敬請期待！📢✨

* 「許善」生日助人計劃🎂 2026年2月生日之星✨ *

2026.2

感謝以下14位2月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐KH Wong ⭐Nelson Yeung ⭐Agnes Hui
⭐Helen Ha ⭐Reyna Chu ⭐Antheia Tam
⭐Tam Ping Cheung ⭐Ronald Kwan ⭐Elseda Shum
⭐Christina Kam ⭐Ivan Ma ⭐Phoebe Wong
⭐James Mak ⭐Helen Yim

* 「許善」生日助人計劃🎂 2026年1月生日之星✨ *

2026.1

感謝以下13位1月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Simon Jim ⭐Brenda Chark ⭐Ho Yee Lin
⭐Raymond Kung ⭐Gilbert Wong ⭐Anthony Kwok
⭐Mabel Leung ⭐Wendy Tsang ⭐Natasha Lee
⭐Sophia Yim ⭐Kimberley Cheung ⭐Sheldon Cheung ⭐Jane Young