top of page

🎉「我要承傳工作坊」生日助人生日會 🎊

「許善」鼓勵小朋友從小養成關愛精神，生日唔好淨係諗住自己；反而趁呢個機會做善事。同時亦鼓勵小朋友透過舉辦ICH工作坊生日會，培養及宣揚中國非物質文化遺產。

​

「許善」會為生日小朋友舉辦非遺工作坊生日派對。「許善」導師會同生日小朋友帶領一班參加派對的大小朋友一齊整雞蛋仔；麵粉公仔，中國剪紙；等等。

 

生日主角會呼籲參加party 嘅小朋友捐款給「許善」代替送生日禮物。

許善會提供所有工作坊材料及導師，生日會主角會獲頒發感謝狀，而參加的小朋友也會獲得許善頒發工作坊畢業證書。又有得玩，又有得做善事；何樂而不為？

 

如欲參加請聯絡，可電郵至 info@xushancharity.org

我們會有專人會盡快回覆閣下和商討細節。

🎂過往生日助人生日會🎂

*「我要承傳工作坊」- 生日助人篇🎉 *

2021.10
有冇諗過生日自己開心開party慶祝同時都可以做善舉🤔🤔
今日我哋只有9歲嘅Victoria 黃子恩小朋友就帶頭做到啦！
Victoria 今年慶祝生日，選擇喺屋企同幾位朋友仔一齊學整「非物質文化遺產」之一嘅鷄旦仔製作技藝！有得玩、有得食，幾個女仔不亦樂乎。
而且小小年紀已經充滿愛心，鼓勵朋友仔唔好送生日禮物；改為捐款去「許善慈善基金」當禮物。認真抵讚 ！
👍🏻👍🏻👍🏻

*  🎉「我要承傳工作坊」- 生日助人篇🎉 *

2021.12
繼上次Victoria 小朋友牽頭舉辦「生日助人」生日會後，另一個充滿愛心❤️嘅小女孩 Eiley 朱倩瑤繼續接棒；喺上星期日舉辦咗「許善生日助人」生日會🎂
Eiley、屋企人同好朋友，喺「許善」導師帶領下一齊學整鷄旦仔！有得玩、又有得食！
Eiley 生日自己慶祝開心之餘，不忘關懷其他冇咁幸福嘅小朋友。所以佢鼓勵朋友仔全部唔好送生日禮物；改為捐款去「許善」； 結果成功籌得善款以作「許善」日後活動之用。代「許善」基金會受惠人，包括基層家庭兒童，獨居老人等等多謝你！
👍🏻👍🏻👍🏻
祝Eiley 身體健康、學業進步；並將佢嘅善心同正能量繼續發放！💪🏼💪🏼💪🏼

bottom of page