活動回顧

* 「許善」生日助人計劃🎂 2025年5月生日之星✨ *

2025.5

感謝以下14位4月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Benjamin Choi ⭐Sylvia Lau ⭐Hui Pui Wing
⭐Yvette Chan ⭐Hugo Wong ⭐Natalie Lau
⭐Anson Tam ⭐Barry Leung ⭐Kevin Leung
⭐Iris Leung ⭐Ida Li ⭐Kevin So
⭐Danielle Shek ⭐Michael Tseg

* 「許善」生日助人計劃🎂 2025年4月生日之星✨ *

2025.4

感謝以下12位4月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐SY Kwok ⭐Bonnie Lo ⭐Louis Yan
⭐Johnny Wong ⭐Susan Chu ⭐Jason Chan
⭐Sabrina Chui ⭐Arnold Leung ⭐Olivia Hui
⭐Anderson Chan ⭐Scarlett Mak ⭐Eunice Leung

* 🎉✨ VSA Family Fun Day 2025 ✨🎉 *

2025.03.23

滬江維多利亞學校一年一度嘅 Family Fun Day 又嚟喇！💖 今年「許善」再次獲邀設立 3個攤位，推廣中國非物質文化遺產，同時為慈善籌款！📢✨

🎭 精彩攤位活動包括：
✂️ 中國剪紙 – 體驗傳統工藝，剪出精美作品！
🪢 中國繩結 – 學習製作象徵好運與祝福的手工藝！
🥣 湯圓製作 – 即場搓湯圓，仲可以即時享用，暖笠笠超好味！

本次活動唔單止讓小朋友親身體驗中國文化，仲會將籌得嘅善款用於未來「許善」包福袋及贈送獨居長者物資，讓更多有需要嘅人受惠❤️！當日更有超過30位義工投入幫忙，場面熱鬧！

🙏 特別鳴謝校方再次邀請，亦感謝所有義工支持！一齊推廣非遺文化，將愛與關懷帶比社區！💪💖

* 中國剪紙工作坊 @ 上水鳳溪第一小學 ✂️ *

2025.03.07

已經多次來到上水鳳溪第一小學舉辦剪紙工作坊，今次再次回到熟悉的環境，與同學們一齊體驗這項中國非物質文化遺產！📜✨

今次工作坊喺學校禮堂進行，幾班同學齊齊動手✂️，學習運用唔同剪紙技巧，剪出各種祝福字，例如「囍」、「善」，仲有象徵團結嘅小孩拉手圖案👫，將學到嘅技巧靈活應用👍。

感謝學校一直以來嘅信任，亦感謝義工們悉心指導，令活動順利進行！希望同學們可以繼續對剪紙藝術保持興趣，將這門傳統工藝傳承下去！❤️

* 🐣☕ Chicken Egg Boy Charity Cafe 試業中！🎉 *

2025.03

「許善慈善基金」最新慈善項目 —— Chicken Egg Boy Charity Cafe，正式進入試業階段！🎊

呢間特色 Cafe 由「許善」創立，主打香港地道小食雞蛋仔配港式絲襪奶茶。裝潢以本地文化與國際潮流結合，打造出充滿街頭藝術風格嘅打卡熱點📸！Cafe 內部設計更融合獅子山、太平山頂、尖沙咀鐘樓等香港地標，文化氣息滿滿🇭🇰！

🍽 試業期間，邀請咗「許善」義工們率先體驗，以普通顧客身份落單，進行「壓力測試」，確保一切流程順暢💪！大家試咗多款全港首創的特色雞蛋仔，再配埋地道港式奶茶🍵 或意式咖啡 ☕，味道絕對驚喜！😋

💖 重點係Cafe 所有盈利將用作慈善用途，令每一口都充滿愛心💗同意義💛！

📢 開業日期即將公佈，記住密切留意，準備一齊支持 Chicken Egg Boy Charity Cafe，用美食傳承中國香港文化！🐣🔥

* 「許善」生日助人計劃🎂 2025年3月生日之星✨ *

2025.3

感謝以下10位3月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Diana Yau ⭐Adam To ⭐K K Leung
⭐Desmond Chow ⭐Cora Ko ⭐Grace Yeung
⭐Stephanie Ng ⭐Ethan Leung ⭐Thompson Chen ⭐Shirley Fu

* ✨ 許善中華文化日2025 ✨ *

2025.02.14

「許善」今年再次被邀請到世界龍崗黃耀南小學，同學們再次有機會親身接觸中國非物質文化遺產，學習與體驗傳統文化💖！

活動首先從中國剪紙工作坊開始✂️，學生們發揮創意，製作出一幅幅精美嘅剪紙作品🧧！

之後移師禮堂舉行表演活動，今次特別加入咗全新嘅非遺項目：
👊 蔡李佛拳表演硬氣功 — 鄺祖賢師傅用頭及頸斷筷子，場面震撼😲，但師傅提醒大家千祈唔好模仿，因為需要經過長期嚴格訓練💪！其後即場表演飛筷子穿木板，更請同學上台體驗！

🎩 古彩戲法（中國魔術）表演 — 愉師傅表現神乎其技，表演咗唔少奇妙技藝！更邀請同學一齊合作完成表演，互動十足✨！

整個活動過程精彩萬分，同學們驚呼連連😮，對中國非遺文化有更深認識！

感謝學校再次邀請及校長對中華文化的重視，亦要多謝各位義工參與及協助。最後亦要多謝校長及老師為「許善」義工們準備的窩心紀念品❤️

* 🎉✨ 許善尾牙午宴 2024 🎊 *

2025.01.26

為答謝義工們過去一年嘅無私付出，「許善」每年都會舉辦咗尾牙午宴🍽️，讓大家可以聚首一堂，享受美食之餘，一同回顧2024年嘅點滴及展望未來！💖 今次活動共有6圍，超過70位義工熱情參與，場面熱鬧非常！🥳

💡 精彩環節包括：
🔹 2024年活動回顧：回顧過去一年一齊努力走過嘅活動🎞️
🏅 香港義工獎2024頒獎禮：官方認證義工的付出👏
🎓 中國書法（高級班）畢業證書頒發：恭喜學員們完成課程，為傳承書法文化出一分力💪
🎁 遊戲環節送大禮：義工們齊齊玩遊戲，滿載而歸🎁
📅 2025活動巡禮：展望來年精彩計劃，一齊繼續行善💕
🤫 秘密計劃發布：籌備多時嘅計劃終於曝光，請留意短片尾段公布😎

最後，為咗感謝大家，現場仲派發咗新春福物 🎊，包括「許善」新春利是封🧧 同環保收納袋🎒，希望大家新一年行好運、事事順利！💫

感謝各位過去一年嘅支持！🙏 2024年，我哋攜手完成咗 50個活動，希望2025年大家可以繼續並肩同行🚶‍♂️，一齊服務社會，推廣同傳承非物質文化遺產！

*所有宴會費用及紀念品均由管理層自掏荷包支付以答謝大家；並沒有用善款分毫👍🏻

* 「許善」生日助人計劃🎂 2025年2月生日之星✨ *

2025.2

感謝以下14位2月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐KH Wong ⭐Nelson Yeung ⭐Agnes Hui
⭐Helen Ha ⭐Reyna Chu ⭐Antheia Tam
⭐Tam Ping Cheung ⭐Ronald Kwan ⭐Elseda Shum
⭐Christina Kam ⭐Ivan Ma ⭐Phoebe Wong
⭐James Mak ⭐Helen Yim

* 「許善」生日助人計劃🎂 2025年1月生日之星✨ *

2025.1

感謝以下13位1月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Simon Jim ⭐Brenda Chark ⭐Ho Yee Lin
⭐Raymond Kung ⭐Gilbert Wong ⭐Anthony Kwok
⭐Mabel Leung ⭐Wendy Tsang ⭐Natasha Lee
⭐Sophia Yim ⭐Kimberley Cheung ⭐Sheldon Cheung ⭐Jane Young

* 🎁✨ 長者探訪活動 *

2025.01.25

當日義工們一早喺灣仔集合，準備好福袋同及小禮物，出發前往九龍東，探訪咗7個長者家庭！❤️

今次嘅福袋內除咗各種食品同日用品，仲包括由書法班義工親手寫嘅賀年揮春🧧。義工們親自幫長者將揮春貼好，為屋企增添新年氣氛！🎉

當然更要多謝我哋福米嘅贊助商金隆，令到我哋嘅福袋更具份量。

除此之外，義工亦幫忙仲送上聖雅各福群會特別準備嘅禦寒小電器，包括棉被、暖風機、電磁爐同電飯煲，喺呢個寒冷嘅天氣裡，呢啲禮物真係十分合時，為長者帶嚟更多溫暖同方便。♨️

探訪期間，義工們同長者親切交流，同時拜個早年，希望佢哋蛇年身體健康、平安快樂！🐍 長者見到義工細心嘅陪伴同滿載心意嘅禮物，都露出溫暖笑容。🥰

感謝所有義工嘅用心付出及聖雅各福群會嘅安排，希望我哋嘅關愛可以讓長者感受到更多溫暖同支持！

* 🎭 川劇變臉表演觀賞✨ *

2025.01.24

「許善」又一次將中國非物質文化遺產帶到校園，今次我哋首次來到天水圍嘅香港青年協會李兆基小學！

是次活動特別邀請到星級川劇變臉大師牟師傅，為同學帶來一場精彩絕倫嘅變臉表演！🌟 台上瞬間變出多款色彩繽紛嘅面譜，同學仔目不轉睛，驚嘆連連😱！牟師傅其後更走落台，近距離表演並與學生握手互動😍，令同學更加投入，親身感受呢項藝術嘅魅力！🙌

重頭戲當然係台上互動體驗！牟師傅邀請部分同學上台，即席教導基本嘅變臉動作。雖然係臨場學習，但學生表現有板有眼👏，現場掌聲此起彼落，氣氛高漲！

活動仲設有變臉知識問答環節🎉，學生仔踴躍參與，答啱問題就可以攞到由許善義工親手織嘅中國吉祥結🧧，成班同學都搶住想攞，場面好熱鬧！

衷心感謝牟師傅全力支持，帶嚟咁精彩嘅表演！亦多謝義工們嘅協助，令活動順利進行！最後亦感謝校方的邀請及安排❤️。

* 🎉✨ 許善吉祥揮春迎蛇歲街站大成功 ✨🎉 *

2025.01.18

首次擺街站活動圓滿結束，大受街坊歡迎！🙌 義工們一早就忙住Set場，未到10點就已經有街坊嚟排隊等領取揮春🧧，氣氛非常熱鬧🎁！

今次活動係由「許善」書法班高級班全體人員全力負責💪。經過一年導師義工及「許善」幹事Ernesto嘅悉心指導👨‍🏫，學員們已經能夠寫得一手好字💯，對傳承及推廣中國書法呢一種非遺文化不遺餘力，因此決定擺街站，透過實際行動將書法藝術帶畀大眾！🖌️❤️

活動前已準備咗數百張揮春，結果短短時間內就派晒🙀！義工們即席揮毫，不但寫揮春，仲應要求寫春聯，全日加埋寫咗接近成千張👍！街坊拎住心意滿滿嘅揮春，笑容滿載而歸，真係好暖心♨️！

喺活動中，街坊除咗可以領取揮春，仲有機會親身接觸中國非遺文化—書法藝術🖌️！義工們仲特別教導小朋友用毛筆試寫，讓下一代從中感受非遺文化嘅魅力，增添文化氣息，希望可以埋下種子，未來可以將傳統藝術傳承落去。❤️

可惜下午開始天氣轉冷，大風又凍🌬️🥶，活動喺4點多提早結束，但喺相片中可以睇到街坊嘅互動同笑容，可以話活動獲得一致好評🥰！許善管理層Iris更親臨現場打氣，請義工食午餐，令士氣更加高昂💪！

感謝書法班導師Ernesto嘅帶領及每位義工嘅努力，將滿滿嘅新春祝福帶畀社區！🐍 喺度提早同大家拜個早年，祝各位蛇年身體健康、心想事成、行大運！🧨

* 🎉✨ 2025年一月北角派飯派福袋活動 ✨🎉 *

2025.01.12

2025年嘅第一次派飯活動正式展開！即使寒冷天氣警告生效🥶，義工們依然無懼寒風🌬️，一早9點準時喺北角集合，用行動傳遞溫暖！❤️

今次活動除咗派飯，仲準備咗迎新年福袋🎁，內有義工們親手寫嘅賀年揮春🧧、冬菇、臘腸、白米同多款食品及日用品，充滿節日氣氛！🫶 義工們親手為公公婆婆送上一份份暖心又充滿祝福嘅禮物，希望佢哋過一個幸福快樂嘅新年！✨

希望呢份暖笠笠嘅關愛♨️，能夠令長者感受到節日嘅溫馨同喜悅！特別感謝善長Susan Chu女士贊助是次活動🙏，亦感謝每位義工嘅努力同堅持，為社區帶嚟愛與希望！💪

* 🎉✨ 迎新年包福袋活動 ✨🎉 *

2025.01.11

農曆新年🐍將至，「許善」再次用行動傳遞溫暖！❤️ 今次嘅迎新年包福袋活動，為有需要嘅長者準備咗滿滿嘅心意！

福袋內容豐富，包括「許善」中國書法班義工親手寫嘅賀年揮春🧧、應節食品冬菇🍄及臘腸，另有福米🍚、人蔘茶包、即食栗子、粟米湯🍲及紙巾🧻，充滿節日嘅祝福同關愛😘。

感謝義工們嘅齊心協力🫰，同時亦多謝贊助商金隆捐出福米🙏！期待呢份福氣可以喺新年帶俾大家更多笑容同溫暖！💖

* ☕✨ 咖啡拉花工作坊 ✨☕ *

2024.12.27

「許善」慈善計劃繼續籌備中，今次特別安排咗一個咖啡拉花工作坊，讓義工們體驗拉花藝術嘅樂趣！❤️

活動中，導師除咗細心示範基礎技巧，仲分享咗點樣拉出更穩定嘅圖案秘訣。義工們互相交流心得，由初次接觸時嘅緊張，到慢慢掌握技巧，成功拉出一杯杯精美嘅作品。每個人都玩得開心又滿載成就感！👏

💡 大家又估唔估到我哋嘅慈善計劃係咩呢？ 💡繼續留意我哋嘅更新啦～🎉

* 🎉 冬至長者探訪 2024 🎉 *

2024.12.21

冬至呢個特別嘅日子，許善慈善基金聯同聖雅各福群會，安排咗一場充滿溫情嘅長者探訪活動💕。義工們分成兩隊，親自走訪九龍區六位長者家庭，為佢哋送上節日嘅祝福同温暖💓。

探訪期間，義工們為長者送上精心準備嘅福袋🧧，仲有部份長者獲得由聖雅各安排嘅小家電添。同時，大家亦耐心聆聽👂長者分享生活點滴，透過輕鬆嘅閒聊拉近彼此嘅距離，讓長者感受到滿滿的關愛💞。

能夠喺冬至正日抽空參與活動，義工們都覺得特別有意義🤗。透過探訪將節日嘅温暖帶到長者嘅家中，讓呢個冬至更添人情味🥰。

感謝每一位義工嘅用心與付出，用行動將愛傳遞。祝願各位冬至快樂，閤家幸福團圓！💖

* 🎉 蘇屋長者聯歡會 🎉 *

2024.12.18

許善慈善基金喺蘇屋長者鄰舍中心舉行咗一場充滿歡樂嘅長者聯歡會！多謝蘇屋中心嘅用心準備，活動由老友記精彩嘅面部同手部彩繪展示揭開序幕，為聯歡會增添咗繽紛色彩！🎨

活動亮點包括：
🎶 「許善」義工Luvin 粵曲表演，經典曲目《拾釵》、《打金枝》、《漫步人生路》同《游龍戲鳳》引起共鳴，老友記更跟住哼唱，場面溫馨！
🌟 老友記才藝表演，佢哋自信嘅演出贏得熱烈掌聲，盡顯長者活力！
🎄 聯歡會開始前，老友記亦幫義工同埋其他活動參加者做面部彩繪，盡顯才華！
🎉 互動遊戲同抽獎，老友記樂在其中，現場笑聲不絕！
🎁 派發「許善」福袋，為每位長者送上節日祝福，分享愛與關懷，上周長者義工所做的如意結亦一同派發，給各位在場長者送上祝福。

最後，特別感謝聖雅各福群會蘇屋長者鄰舍中心嘅安排同各位義工嘅協助，令活動得以圓滿成功！大家齊齊用歡笑同關愛，為長者送上一個難忘嘅下午！💖

* 🍱 十二月北角派飯福袋活動 🍱 *

2024.12.15

喺北角上善素餐廳舉行嘅派飯福袋活動嚟到十二月都係繼續舉行。今次義工團隊仲有新力軍加入，而且當中仲有5位小朋友義工！❤️ 佢哋幫手準備飯盒，包括分飯同添加配菜，並親手將飯盒及福袋送到有需要人士手上，過程充滿愛與關懷。💖

對小朋友而言，呢次活動意義非凡！透過實際行動，佢哋學懂咗點樣關懷同服務社會，幫助有需要嘅人，種下愛與善良嘅種子。🌱

感謝所有義工嘅用心參與，令活動圓滿完成，期待下次再見！🙌

* 🎁 冬至福袋包裝日 🎁 *

2024.12.14

冬至將至，「許善」今年繼續延續送暖傳統，為有需要嘅人士準備暖心福袋！❤️

活動當日，有大小義工一齊參與，喺大家齊心協力下，以超高效率完成咗 800個福袋✨！今次福袋內容包括麵食、餅乾、紙巾及罐頭粟米等等😋。幾位大隻義工仲即時將部分完成嘅福袋連同福米，運送到位於九龍的聖雅各福群會蘇屋長者鄰舍中心同北角上善素餐廳，為今個月另外兩場活動預先準備好物資！💪🏼

感謝每位義工嘅參與與努力，令整個包裝過程順利又充滿溫情！🎉 「許善」希望透過一個個福袋，將祝福與關懷傳遞到社區嘅每一個角落。🌟

* ✨ 雞旦仔及香港特色鴛鴦工作坊 ✨ *

2024.12.11

趁住「許善」慈善計劃密鑼緊鼓籌備中，我哋再次舉辦咗雞旦仔及香港特色鴛鴦工作坊！💖 上次學整雞旦仔嘅義工更即場試整，仲分享俾其他義工品嚐，收集大家意見希望更加精進！🎉

小班教學讓義工們有更多時間交流細節同實踐，仲即場品嚐自己親手製作嘅成果，滿載成就感與歡樂！😋

特別感謝梁師傅再次蒞臨，耐心指導義工們製作鴛鴦同雞旦仔嘅正宗方法，讓大家深入了解香港傳統美食嘅背後技藝與故事！✨

呢次活動係為即將到來嘅慈善項目作準備，希望未來能為大家帶來更多驚喜與溫暖！🎁 再次感謝每位義工嘅用心參與與支持！🫶

* 「許善」慈善同樂日2️⃣0️⃣2️⃣4️⃣
屏山文物徑團體導賞團及盤菜宴 *

2024.12.07

「許善」慈善同樂日今年舉辦咗充滿文化同愛心嘅屏山文物徑團體導賞團🔍 及盤菜宴🍽️，邀請咗循道衞理亞斯理社會服務處安排嘅基層家庭 40多人一齊參與！❤️

活動當日上午，由古物古蹟辦事處安排嘅兩位專業導賞員📢帶領參加者分成兩團，深入了解本地氏族及屏山歷史，欣賞當地珍貴嘅文化遺產，大家都聽得津津有味！✨ 參觀之後，「許善」更安排咗大家享用傳統而豐盛嘅九大簋盤菜宴😋。盤菜九大簋係本地農家菜最具特色的傳統之一，香港現在只有元朗屏山鄧氏後人做九大簋，係一個十分值得保持的習俗😍。

感謝循道衞理亞斯理社會服務處嘅安排及義工團隊嘅全力協助🙏，特別鳴謝義工 Diana 和 Michael 為活動用心安排美味盤菜，令每位參加者都感受到滿滿的心意！💕

呢個活動唔單止促進文化傳承，仲為基層家庭帶嚟溫暖同歡樂。感謝每位參加者同義工朋友嘅支持，期待未來有更多機會同大家攜手分享愛與希望！💖

* 雞旦仔及港式奶茶工作坊 *

2024.12.03

「許善」正在籌備一個慈善Project💕，即將係不久將來公布詳情📝。不過係正式開始之前，必需要有充足準備📚，所以特別安排咗一個雞旦仔及港式奶茶工作坊，讓義工們學習點樣可以製作正宗又好味嘅香港傳統美食😋。

感謝各位義工抽空參與🫶及梁師傅特別蒞臨指導製作港式奶茶的正確方法🙏。

* 蘇屋長者鄰舍中心中國繩結工作坊🪢 *

2024.12.04

喺12月2日星期一，許善慈善基金喺聖雅各福群會蘇屋長者鄰舍中心舉行咗一場溫馨嘅中國繩結工作坊！❤️

當日共有16位精靈嘅長者參與👵🏻👴🏻，親手製作咗象徵吉祥嘅如意結。活動中，長者們用心學習每一個步驟，親手製作出一個個滿載祝福嘅成品💕。完成嘅作品將被放入福袋，並送俾同一中心嘅其他長者🎁，為大家喺冬至前送上心嘅祝福。大家都樂在其中，享受手作帶嚟嘅滿足感與喜悅。✨

感謝4位義工嘅支持🙏，令呢次工作坊圓滿成功🫶！希望透過中國繩結嘅傳統工藝，唔單止能夠傳遞美好祝願，仲可以增添社區關懷同連繫。💖

* 🎉 保良局慈善盆菜嘉年華 2024 回顧 🎉 *

2024.11.30

許善慈善基金非常榮幸參加喺慈雲山蒲崗道學校村中央運動場舉行嘅保良局慈善盆菜嘉年華，同社區人士一齊分享節日喜悅，感受溫馨氣氛！🍲

是次活動，許善爭取到6圍盆菜席，邀請 44位荃景劏房街坊會長者同 22位由循道衛理亞斯理社會服務處安排嘅劏房戶街坊一齊參與。佢哋分別由沙田同荃灣搭大巴到場，喺冬至前夕，享受呢個溫暖熱鬧嘅晚上！💖

除咗盆菜宴，現場仲特設香港特色小食攤位，充滿地道風味，多位藝人包括胡楓、謝雪心同黃建東更親臨表演，為活動增添色彩！🎶 當晚節目豐富，讓參加者不單止享受美味佳餚，仲可以體驗圍村文化，重溫昔日情懷，感受傳統與現代嘅融合。🌟

活動期間，氣氛熱烈，參加者投入其中，抽獎環節更帶來陣陣歡呼聲，特別高興係「許善」嘅參加者中有人成功中獎！🎁 充滿愛心嘅嘉年華，喺團圓佳節為社區中有需要幫助嘅朋友帶來溫暖與希望，讓愛與支持流動整個社區。

感謝保良局嘅悉心籌備，感激善長仁翁簫志成博士Gerald贊助6圍盆菜席予「許善」，以及義工團隊嘅無私協助，令活動圓滿舉行！💕期待明年再見，一齊延續呢份溫馨嘅傳統！👏

* 「許善」生日助人計劃🎂 2024年12月生日之星✨ *

2024.12

感謝以下9位12月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Sarah Wong ⭐Logan Au ⭐Eiley Chu
⭐Edwin Chan ⭐Amelia Choi ⭐Veronica Shih Lam
⭐Geoffrey Wong ⭐Kasper Wong ⭐ Gilbert Leung

* 「許善」四手慈善晚宴2024 *

2024.11.15

感謝各位善長仁翁嘅支持，我哋喺11月15日於黃竹坑Spin Club舉辦嘅慈善私房晚宴取得巨大成功！🎉

是次晚宴由香港四大名廚之一、同時係「許善」創辦人及永遠名譽主席嘅許沛榮廚神聯同Teapsy大廚王能達聯同攜手打造，呈獻滿載懷舊滋味嘅經典菜餚，食材包括魚翅、鮑魚、鵝掌等珍饈。每一道佳餚都係心意嘅結晶，為善長仁翁帶嚟一個溫馨又難忘嘅晚上。

當晚氣氛熱烈，善長們熱心支持，除成本後成功共籌得 HK$283,000！🙏

所有善款將全數撥捐許善慈善基金用於推廣中國非物質文化遺產及幫助社會上有需要嘅群體。

慈善宴能夠順利舉行除咗要多謝出席嘅善長仁翁，亦要鳴謝：
許師傅及王師傅、Spin Club、A Plus Wine及所有當晚幫手嘅義工們。🙏🙏🙏

* 「許善」生日助人計劃🎂 2024年11月生日之星✨ *

2024.11

感謝以下13位11月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Dr. Pauline Leung ⭐Cora Yew ⭐Ray Chong
⭐Charmaine Lai ⭐Damon So ⭐Stanley Chu
⭐Haile Leung ⭐Clara Chiu ⭐Julia Kong
⭐Dennis Ng ⭐Jolie Lui ⭐To Ching ⭐Emma Tam

* 「許善」生日助人計劃🎂 2024年10月生日之星✨ *

2024.10

感謝以下10位10月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Cannie Chan ⭐Au Lok Hin ⭐Charlie Mak ⭐Winson Ko
⭐Lillian Yip ⭐Noven Wan ⭐Muji Wong
⭐Elsa Sit ⭐Alison Jacqueline Hui ⭐Wong Ka Man

* 📝 中秋月餅製作義工同樂日 2024🥮 *

2024.09.15

又到一年一度嘅中秋節🌕！今年我哋再次舉辦咗月餅製作班，繼續由Alice老師連續第四年擔任義務導師👏，帶領大家一起製作傳統月餅🥮。Alice老師以專業而耐心的指導👩‍🏫，不但為大家準備好材料和食譜📝，仲簡化咗製作過程，讓大家在短時間內完成精美嘅月餅製作🍪，再一同享用新鮮出爐嘅成果😋。

今年活動好熱鬧，有多名大小義工一齊參與，透過製作月餅互相交流，共同渡過咗一個充實而愉快嘅下午⏳。

感謝Alice老師嘅支持，以及所有義工朋友嘅參與和投入💖！約定下年再見！👋

* 🌕北角9月中秋派飯福袋活動🌕 *

2024.09.14

當日「許善」第二場，就係旁晚喺的9月北角派飯福袋活動。因為今個月係中秋節，除咗例行派飯同福袋之外，仲加碼送上精美月餅，令氣氛更加濃厚！🍚🥮

今次活動更有衞生署職員聯誼會義工一同參與，仲將之前中國剪紙班嘅作品派發俾現場長者，為佢哋送上滿滿嘅祝福！✂️🎁

非常感謝義工Leader Elsa 的帶領，以及所有幫手嘅許善義工，仲有贊助月餅嘅美心食品，令今次活動再次圓滿成功！❤️

* 📢衞生署職員聯誼會中國剪紙工作坊 Round 2 ✂️🎨 *

2024.09.13

繼上一場中國剪紙工作坊之後，今次我哋將活動由港島區搬到九龍觀塘舉行，成功完成咗兩班成人剪紙班！👏👏 每位參加者都剪出咗有水準嘅作品，叻👍

💖 再次感謝義工Susanna擔任導師同Leader，帶領大家學習中國剪紙藝術，同時多謝一班義工嘅無私幫助！🙏 大家嘅努力令到成個活動更加成功！

* 🚗 中秋探訪獨居長者活動🚗 *

2024.09.14

9月14日「許善」義工第一個活動，一大早就兵分兩路兩個車隊又出發探訪獨居長者，並送上早前準備好嘅福袋同中秋月餅🥮！👍🏻👍🏻👍🏻

當日大小義工幫手派發福袋之餘又同獨居長者傾計，尤其係小義工Ocean，自備board game教叔叔嬸嬸們玩棋，令活動更加有趣！♟️🎲

另外，感謝聖雅各福群會精心準備嘅小電器，送比獨居長者，包括電磁爐、閃燈門鐘同電熱水壺等等，照顧到個別需要之餘，仲考慮到使用安全，非常貼心！💡🔥

* 迎中秋包福袋日 🎉🎁 *

2024.09.07

中秋節🌕係中國其中一個最重要嘅節日，當然少不了許善嘅福袋啦！🎑 儘管包裝前一晚打8號風球，我哋都成功提前喺風球懸掛之前將所有物資安全送到新嘅包裝場地！💪

「許善」今次準備咗800個福袋🎁，入面包括多穀物餅乾、麵、蛋捲、紙巾、罐頭粟米湯、活絡油、退熱貼同埋兩款月餅，全部都係為咗為一班基層老人家送上一點中秋節嘅溫暖💖。

👏 當日有一班大小義工落力包裝，雖然係新場地，但大家一樣可以好有系統咁圓滿完成任務！特別係啲小義工，好認真咁將每個福袋做好，睇到真係感動🙏！

💡 感謝各個贊助商的支持，(排名不分先後)包括壽桃牌、滿貫(亞太)集團有限公司、嘉頓、和興、Paragon，仲有提供月餅嘅阿鴻小吃同Lubuds，令到呢次嘅福袋更加應節，更加有心意🎂！

* 衞生署職員聯誼會中國剪紙工作坊 ✂️🎨 *

2024.09.04

好榮幸「許善」今次同衞生署職員聯誼會合作，為衞生署職員於工餘時間舉辦左一場中國剪紙義工工作坊！👏 衞生署職員聯誼會主動聯絡我哋，真係非常支持傳承中華文化💖。

🎨 喺呢場工作坊裡面，每位義工最少都製作咗個4個精美作品，短短90分鐘就完成咗近百份，並且仲會將作品捐出埋比「許善」喺未來義工活動中派發俾有需要嘅人🎁，為佢地帶嚟溫暖和心意🌕🎉。

💪 成人參加者手腳好快，理解能力高，成個工作坊氣氛超好，大家都充滿熱情同愛心！感謝衞生署職員聯誼會嘅邀請，我哋期待下一次嘅合作！

* 「許善」生日助人計劃🎂 2024年9月生日之星✨ *

2024.9

感謝以下12位9月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Donna姐 ⭐Gigi Woo ⭐Susanna Wong
⭐Kenneth Chan ⭐Dicson Hung ⭐Martin Hui
⭐Brian Tse ⭐Felicia Law ⭐Raphael Hui
⭐Lucy Chan ⭐Tracy Yeung ⭐Isabella Lee

* 🍚【八月北角派飯福袋活動回顧】🍚 *

2024.8.24

話咁快又一個月，「許善」再次回到北角上善素餐廳！🎉 今次除咗福飯，仲有白米同嘉頓Gala餅，唔少公公婆婆都表示非常鍾意呢款鹹餅添！😊

特別多謝各位義工嘅幫忙，今次物資好多，要花唔少時間拆箱❤️🙏🏻，公公婆婆見到幾位小義工同佢哋講身體健健康康，生活愉快，笑到見牙唔見眼😙😙😙

* 長者探訪👵🏻👴🏻 *

2024.8.10

上個星期，我哋「許善」嘅義工隊聯同聖雅各福群會嘅義工，先長途跋涉去咗新界上水深入村屋探訪獨居長者，之後再出返去🚗九龍區(大圍、慈雲山及觀塘)繼續探訪。當日天氣炎熱🥵，雖然義工們汗流浹背💦，但都保持熱情，真係值得尊敬🫡。獨居長者生活唔容易，喺聖雅各福群會安排下，義工送咗電風扇俾佢哋，仲幫手安裝同教佢哋點用👍，當然都唔少得「許善」福袋啦！🤩

好感激聖雅各福群會嘅安排同準備，亦多謝義工們嘅辛勤付出，大家一齊努力關懷長者🫶，同時令佢哋生活更加舒適！❤️

* 「許善」生日助人計劃🎂 2024年8月生日之星✨ *

2024.8

感謝以下10位8月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Kwan Yuk Yue ⭐Sylvia Chiu ⭐Eric Lau ⭐Ken Lee
⭐Lou Chung ⭐Clement Yip ⭐Ken Chow
⭐Henry Hui ⭐Liu Yui Kai ⭐Lupino Cheung

* 北角派福飯福袋 *

2024.7.27

7月27號，我哋再次嚟到多次合作嘅北角上善素，同大家分享福氣！🍀

當日早上義工去買生果時仲落住細雨🌧️，好彩天公造美，一到餐廳雨就停咗🤩，而且餐廳方面一早派籌，公公婆婆可以係附近簷篷下避雨，完全冇淋濕。👏
義工摩打手準備好200份福飯，以免再落雨。今次除福飯, 仲有老友記最鍾意的白米同時令生果！🍚🍎🍊

多謝所有參與嘅義工，令今次活動圓滿成功！期待下次再見！❤️

* 許善賣旗日結果公布及精華短片💝 *

2024.6

今次賣旗活動線上線下, 籌得超過HK$300,000, 扣除必要支出, 依然超過香港分區賣旗日淨收入目標 🎯HKD220,000！

必須要讚揚義工們的愛心及不辭勞苦的付出🙏🥰。最感謝的當然係廣大善長在線上線下積極捐款。

會計師核數工作已在進行中, 許善將會按照申請賣旗之承諾, 把善款用在以下兩大項目：
- 非物質文化遺產推廣
- 福袋派發予基層家庭

而家一齊嚟睇下今次活動嘅精華短片啦🎥

* 中國書法工作坊@伊利沙伯中學舊生會小學分校 *

2024.7.3

上星期，我哋去到位於天水圍嘅伊利沙伯中學舊生會小學分校舉行咗一個中國書法工作坊✏️。呢個活動由「我要做導師」計劃嘅星級導師輝哥帶領，連同部份剛畢業及其他義工老師們親自教導5年級嘅各位同學。多謝佢哋將書法嘅美學同技巧帶畀一班充滿好奇心嘅小朋友們🥰。

活動期間，小朋友們學習咗基本嘅書法知識，從字體，握筆、運筆到書寫技巧，每一步都認真跟隨老師嘅指導。他們喺一筆一劃之中，感受到中國書法嘅獨特魅力💫。睇到佢哋寫出自己名字及學校名稱嗰一刻，每個人都露出咗自豪嘅笑容，真係好窩心❤️。

特別感謝伊利沙伯中學舊生會小學分校嘅邀請，亦感謝義工們的協助。今次活動唔單止係書法學習，更重要係一個中國非遺文化傳承嘅過程。希望大家能夠珍惜呢種傳統藝術，並且一齊將佢發揚光大💪。

* 「許善」生日助人計劃🎂 2024年7月生日之星✨ *

2024.7

感謝以下14位7月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Hikaru Shek ⭐Nancy Leung ⭐Warren Chan
⭐Maggie Zhang ⭐Homan Leung ⭐Gabrielle Zhou
⭐Stephen Loh ⭐Catherine Liu ⭐Lily Lau
⭐Katherine Hui ⭐Alkie Tang ⭐Vincent Hau
⭐Gary Lam ⭐Lyon Lau

* 畢業喇🎓「我要做導師」計劃 - 中國書法班 *

2024.6.26

經過四個多月嘅學習📚，由輝哥主理嘅第一期中國書法班早前舉行咗畢業禮，共有6位義工正式畢業，恭喜劉理正、丘超美、張麗霞、黃可儀、鄧佩珊及陳燕筠。🥳🎉

畢業禮當日，大家展示咗自己嘅書法作品😍，每一幅都充滿心血同努力💧。輝哥亦喺現場逐一指導🧐，畀咗好多寶貴嘅建議。佢對大家嘅進步感到非常欣慰，並鼓勵大家繼續努力，唔好停下來。

畢業之後，呢6位義工將會跟隨「許善」出去教中小學生書法，將自己嘅知識同技藝傳授畀下一代。書法作為中國非物質文化遺產之一，不單止係溝通嘅工具，仲包含豐富嘅藝術元素，係中國傳統文化嘅重要部分，展現咗我國藝術文化底蘊。保存同傳播呢種文化遺產係非常重要嘅責任🧐，希望各位義工能夠繼續為此貢獻力量。💪

學習過程中，大家都非常認真，不單止要上堂喺現場接受輝哥嘅指導👨‍🏫，回家仲要做功課。同學們一筆一劃，勤奮練習，終於學有所成，書法水平大大提升🆙。雖然呢個係畢業禮，但其實唔係學習嘅終結，而係一個新嘅開始。輝哥會繼續幫助大家進一步提升書法水平📈，持續學習同進步。

特別要感謝輝哥嘅悉心教導❤️，佢唔單止唔收費，仲傾囊相授，毫不保留。另外，提供場地嘅Susan亦係今次計劃成功嘅關鍵元素之一。「許善」喺此衷心感謝兩位嘅支持。🫶

今次嘅書法班唔單止係一個學習平台，仲建立咗一個互相支持、共同進步嘅小組🥰。大家喺學習過程中結下咗深厚嘅友誼，互相鼓勵💪，共同成長。未來，佢哋會繼續一齊喺書法嘅道路上前行，並且致力於傳承同弘揚中國非物質文化遺產。🤩

* 「許善」屏山義工同樂考察日🚌☀️ *

2024.6.15

每年「許善」都會舉辦最少一次「義工同樂日」🎉，目的係答謝一班義工嘅付出之外🙏，亦係讓義工一齊考察下嚟緊準備有機會舉行中華非遺文化活動嘅地點。今年我哋決定去屏山文物徑導賞團，之後喺屏山鄧氏祠堂食盆菜九大簋。🤩今次活動共有60位義工及其家人參與。

元朗屏山是香港歷史最悠久的地區之一，喺義務導賞員的帶領下📢，大家漫步屏山文物徑，了解屏山的歷史。文物徑貫連多幢典型中國傳統建築，可領略新界的傳統面貌及宗族生活📷

行完文物徑之後我哋就去到鄧氏祠堂食午飯🍽️，鄧氏係新界其中一個重要的宗族，可以係佢哋祠堂食飯真係一個好難得的體驗🤩。盆菜九大簋係本地農家菜最具特色的傳統之一，香港現在只有元朗屏山鄧氏後人做九大簋，唔少義工都係第一次食傳統九大簋，個個都食到舐舐脷😋，一起渡過咗輕鬆愉快嘅一日。🥰

「許善」今次可以安排到一個咁特別嘅體驗俾大家，必須要鳴謝以下幾位人士嘅協助🙏：首先要多謝屏山鄉事會主席鄧同發先生及資深元朗屏山區議員鄧慶業先生🙏🫰。之後要感謝鄧慶業議員兼仕義務導賞員及另一位義務導賞員鄧學華先生嘅熱心協助🫶。另外亦要特別感謝「許善」鐵腳義工Michael同佢識咗十幾年嘅屏山原居民好朋友鄧炳華先生(華哥)及太太(華嫂)💞，喺兩位穿針引線之下🪡🧵，讓「許善」認識到鄧主席及鄧議員，令我咃有幸舉辦今次活動。

本次活動費用由「許善」創辦人私人贊助，沒有動用「許善」善款一分一毫。

* 中國非遺親子日 *

2024.6.8

除咗賣旗活動之外，當日下午我哋亦為派出咗100名學生及家長幫手賣旗嘅「世界龍岡學校黃耀南小學」舉辦咗一個中國非遺體驗活動。

同學仔做善事幫手賣旗之後，一齊享用點心午餐。午宴期間，「許善」義工示範及講解兩款中華文化手作 - 剪紙✂️&串珠繩🧶，同學仔更急不及待即場親自試試👍 ！

同學仔精力充沛，午宴之後再去香港公園玩，個個仍然扎扎跳！🏃‍♀️🏃‍♂️

午宴及體驗活動全費由「許善」創辦人私人贊助，冇用到善款一分一毫㗎！

* 許善賣旗日💝 2024 年 *

2024.6.8

籌備超過一年⏰，「許善」嘅第一次賣旗活動上個星期六已經順利完成！🥳🎉 當日天公造美！準時八點出太陽🥰

當日我哋大約400名許善義工遍佈全個港島區唔同地方賣旗，不論喺銅鑼灣、中環、金鐘、銅鑼灣、北角每個角落都有許善大小義工嘅蹤影😎。唔少義工仲火速已經將手上嘅旗賣哂，要去站頭補貨再出擊！💪🏼😝

部份過往許善曾經服務過嘅的團體同學校都有派代表幫手賣旗，用行動回報許善。

其中聖雅各福群會蘇屋中心嘅一班長者義工個個一早就精神奕奕到場撐「許善」，令我哋一班許善管理層非常感動💪🥰！

💖 另外許善曾山長水遠入去梅窩小學做慈善工作坊。今次梅窩小學一班學生同老師亦專登搭船出嚟幫手賣旗撐我哋。🚢

許善曾經喺世界龍岡黃耀南小學舉辦中華同樂日。今次佢哋亦派出100名小學生及家長參與賣旗。👏

今次賣旗空前成功，好多謝各位出錢又出力嘅許善賣旗義工及做站長嘅許善之友！ 🙏🙏🙏❤️有你們真好😊！

特別鳴謝兩位賣旗籌委委員Ms Susanna Wong & Ms J Lam, 同幫我哋設計靚靚旗子Ms Evelyn Teng。

當然最後仲要多謝所有買咗旗嘅市民啦！🫶

* 「許善」生日助人計劃🎂 2024年6月生日之星✨ *

2024.6

感謝以下9位6月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Jason Yang ⭐Amanda Ng ⭐Blackmore Chan
⭐Lesley Lam ⭐Joe Leung ⭐Rimsky Yuen
⭐Fanice Lui ⭐Scarlett Pong ⭐Roden Tong

* 變臉表演及分享會🎭@善一堂逸東幼稚園 *

2024.5.24

今次「許善」第一次去位於📍大嶼山嘅「善一堂逸東幼稚園」舉行工作坊。本來有啲擔心幼稚園小朋友咁細個會未必識欣賞呢個國粹。結果喜出望外！經過義工深入淺出嘅介紹同講解👩‍🏫，在場約300個小朋友都好期望睇表演。表演確實係精彩絕倫🤩，全場反應熱烈🔥，班小朋友拍手拍到手軟。睇完表演之後，到互動環節，個個都非常踴躍🙌，希望爭取上台體驗變臉。

認識「非遺文化」和學習其他知識一樣📖，從細細個就可以開始種下種子、培養根基。

感謝校方的邀請及長途跋涉都協助活動完成嘅義工。有你哋嘅付出今次先可以令到在場幾百個小朋友咁細個就有機會接觸中國非物質文化遺產，同時亦為佢哋帶來一個愉快嘅童年回憶。🙏

* 獨居長者探訪活動💕 *

2024.5

「許善」再次參與聖雅各福群會的「長者家居安全綜合計劃」，今次一樣係兵分兩路↔️去到新界及九龍區。夏天即將來臨🥵，今次探訪除咗心靈上「送暖」，亦實體上「送涼」🌬️🎐，送上及組裝風扇，當然仲有「許善」迎夏福袋🧧。今次遇上有些長者剛搬入新居，小家電同福袋內容真係好啱長者。

我哋啲義工好細心，有部份長者唔識英文，義工主動喺產品上邊寫字同埋畫圖以表示產品嘅用途。

感謝聖雅各福群會的安排及家電🙏，當然亦感謝我哋班愛心義工的協助🫰。

* 迎夏福袋包裝日🌞🧧 *

2024.5

一呼百應，「許善」義工又再次齊集包裝800份迎夏福袋😎。福袋內容豐富，包括餅乾🍪、麵食🍜、湯包🍲、粟米湯🌽，個人護理產品(牙膏🦷、洗頭水🧼、護髮露及潤膚露等等)，而且仲有小義工即埸做嘅中國吉祥結🫶。今次福袋將會隨5月中「許善」探訪老人活動中送出，同埋喺6月8號「許善」港島區賣旗日送比參與嘅長者義工，以感謝佢哋幫手。

感謝贊助商加多寶集團、士多、嘉頓及壽核牌的支持及義工們的幫忙。🙏

* 雞蛋仔工作坊🥚@伊利沙伯中學舊生會小學分校(天水圍)*

2024.5

距離上次足足一年⏰，終於再次返黎伊利沙伯中學舊生會小學分校(天水圍)舉行雞蛋仔工作坊🥚。雞蛋仔製作方法簡單👨‍🍳👩‍🍳，焗完出黎又香噴噴👃，仲可以即時享受熱辣辣嘅成果添😋，一直以黎都係「許善」最受大人小朋友歡迎的工作坊之一🔥。

感謝校方再次邀請及「許善」義工們的協助🙏

* 「許善」生日助人計劃🎂 2024年5月生日之星✨ *

2024.5

感謝以下14位5月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Benjamin Choi ⭐Sylvia Lau ⭐Hui Pui Wing
⭐Yvette Chan ⭐Hugo Wong ⭐Natalie Lau
⭐Anson Tam ⭐Barry Leung ⭐Kevin Leung
⭐Iris Leung ⭐Ida Li ⭐Kevin So
⭐Danielle Shek ⭐Michael Tse

* 「許善」安排南區中學生義工探訪活動第5️⃣回
上善素餐廳派飯派福袋活動*

2024.4

同學仔要落手落腳幫忙𢳂飯🥄🍚同埋入福袋。

門前早早就大排長龍，同學動作要快之外仲要企理，派完飯仲要記得比埋福袋老街坊。面對一心幾用的情況，同學仔表現都十分出色💯，任務順利完成之餘仲有時間同受惠者傾幾句添。👍

活動之前一晚見到黃色暴雨🌧️，一直擔心早上來排隊的老友記😟。好在最後天公做美☀️，派完10分鐘先開始落雨。感謝老天爺眷顧排隊嘅公公婆婆🙏🏻

今次活動要特別感謝善長Susan Chu無私捐出部份福袋的物資。🙏

* 「許善」安排南區中學生義工探訪活動第4️⃣回
深水埗露宿者派飯活動*

2024.4

係「許善」和社區組織帶領下，幾位同學去到深水埗向露宿者派飯派湯同其他物資。途中見證露宿者爭先恐後為一個飯盒，仲見到有人使用針筒💉，同埋有人似乎係在帳篷內已經離世，眼前嘅景象令各位大小義工都覺得好震撼，活動過後心情都有點複雜和沉重。
幾位小義工唔怕辛苦，無懼環境惡劣，為露宿者帶來溫暖的一餐，值得一讚👏🏻👏🏻

* 「許善」安排中學生義工探訪活動第3️⃣回*

2024.4

話咁快嚟到第三個星期探訪活動👏，同學仔探訪及同獨居長者打開話題的技巧愈見成熟👍，赤子之心加上經驗累積令到整個過程更加順利完成💞。之後「許善」將會帶同學仔跳出框框，參加其他類型的探訪活動。

* 「許善」安排南區中學生義工探訪活動第2️⃣回 *

2024.4

連續第二個星期同學仔又出發探訪獨居長者🚶‍♀️🚶。今次同學仔遇到一位十分天真開朗的許婆婆，同同學仔談天說地，證明孤單但不孤獨👍。另外一位關婆婆由於唔識字，同學仔怕婆婆攪錯物品用途，就直接係物品畫上唔同圖案🎨🖌️，等婆婆一睇到就知道果件物品係用係邊個部位，同學仔真係聰穎又細心💖

* 「我要做導師」計劃 - 麵粉公仔班🐼🐰 *

2024.4

「許善」創會方針之一就係要傳承非物質文化遺產，除咗對外透過學校及團體進行工作坊，對內亦會為義工舉辦「我要做導師」精修課程👩‍🏫。最近一次適逢復活節假期🥚🐇的星期五，「許善」邀請咗一眾義工學習製作麵粉公仔，今次仲有唔少小義工趁假期一齊參與添。

導師當日教咗三款麵粉公仔，當中兩款簡單嘅，再加一款複雜小小嘅座枱公仔。由於係小班教學，導師親身指導各位參加者💪，深入淺出，讓大家可以了解當中的技巧🙌，等大家學識之後第日可以教小學生/幼稚園學生做。💕

* 懲教署體育會第68屆秋季賣物會支票致贈典禮🎁 *

2024.3

大家記唔記得「許善」上年年尾贊助咗懲教署秋季賣物會2023？早前於三月十五日在懲教處於中央圖書館舉行了支票致贈典禮，本會由名譽顧問鄧秉明先生代表出席。是次活動受惠機構包括香港錫克教廟及The Stanley Mosque。本會略盡綿力，希望社會不同界別的人士都可以受惠🫶。最後亦感謝懲教署的安排。

* 「許善」生日助人計劃🎂 2024年4月生日之星✨ *

2024.4

「許善」生日助人計劃🎂 2024年4月生日之星✨

⭐SY Kwok ⭐Bonnie Lo ⭐Louis Yan ⭐Johnny Wong
⭐Susan Chu ⭐Jason Chan ⭐Sabrina Chui
⭐Arnold Leung ⭐Olivia Hui ⭐Anderson Chan
⭐Scarlett Mak ⭐Eunice Leung

* 「許善」安排南區中學生義工探訪活動 *

2024.3

好多中學都有做慈善project 鼓勵學生多行善❤️。今次幾位中學生就決定做「許善」義工，喺未來幾個禮拜參與「許善」嘅活動。第1️⃣炮探訪獨居長者已經於3月30日完成，當日送電器同福袋之餘亦同佢哋傾偈㖭。💕

今日探訪嘅其中一位老友記嘅屋企地方真係非常淺窄，只夠兩個人入到去企喺度，感覺極為震撼😱。

另一邊廂有位婆婆，雖然喺資源極度缺乏嘅環境底下生活，但係依然活得快樂💖，仲教我哋做運動㖭！👯‍♂️

呢班中學生去完今次探訪都話一定要繼續努力💪，幫助更加多社會上冇佢哋咁幸福嘅人。🫰

* 「我要做導師」計劃 - 中國書法班✏️ *

2024.3

「許善」義工之中好多臥虎🐯藏龍🐉，當中新任幹事嘅輝哥就係熱衷中國書法的一份子😎，他每年都會親手寫幾百張新年揮春赠送予長者及給「許善」連埋福袋送出💕有需要人士。而「我要做導師」計劃為培訓更多非遺導師，就邀請咗輝哥開班授徒，將佢對中國書法嘅知識、技術及心得傳授，今次幸得義工Susan借出地方作工作坊讓有興趣的義工更方便參與。雖然目前這些參與義工還在學習階段，未可以好似輝哥咁嫻熟書寫，但係已經獲益良多，只要多加練習，好快大家都可以成為導師之一。這班義工都懷着熱情嘅學習精神，努力接受培訓，為宣揚非遺的使命不遺餘力！感謝輝哥無償及無私的傾囊相授🫰及各位義工的參與👍

* 滬江維多利亞學校Fun Day🎉❤️ *

2024.3

「許善」有幸🙏獲滬江維多利亞學校邀請主辦學校Fun Day其中三個攤位，包括龍鬚糖(非遺小小問題考考你)及中國剪紙✂️及麪粉公仔製作，讓「許善」可以宣揚中國非遺項目俾我地未來社會主人翁📢。當日共有30多位義工參與，最早的一組由8am已經要到學校Setup，最後一組收埋檔都差不多6pm了。整日兩個攤位都十分受歡迎👏，簡直係做到唔停手🙌，特別頂住大風🌬️係做戶外崗位嗰啲義工，真係辛苦大家了🙇🙇‍♀️。今次活動更有第一次有外藉朋友參與作為義工，證明慈善係不分國界的。🗺️

* 生日之星Elijah Lu小朋友🌟 探訪真光護老之家❤️ *

2024.3

二月尾舉行中華文化慈善生日會🎂的Elijah Lu小朋友, 喺三月第一個星期日連同屋企人同親友，喺「許善」的安排下，去咗探訪聖雅各福群會真光護老之家。當日Elijah Lu小朋友一家人除咗將喺早前生日會包嘅愛心福袋💕送到各位長者手上🙌，仲同各院友及職員親身交流💬，學習及體驗關愛精神💌。感謝Elijah小朋友一家人願意選擇以一個慈善的方式為小朋友慶生🙏，等小朋友可以有一個難忘又有意義的生日。🫶

最後亦感謝聖雅各福群會的安排🙏

* 「許善」生日助人計劃🎂 2024年3月生日之星✨ *

2024.3

⭐Thompson Chen ⭐Diana Yau ⭐Adam To
⭐Cora Wong ⭐Grace Yeung ⭐Desmond Chow
⭐Stephanie Ng ⭐KK Leung ⭐Ethan Leung ⭐Shirley Fu

* 「許善」老少幼同樂日@世界龍岡黃耀南小學精華短片 *

2024.2

當日活動表演十分精彩🤩，觀眾反應熱烈🔥，大小朋友都踴躍參與👐，台上台下互動融為一體🫶，大家一齊透過短片感受下當日的氣氛啦🎞️! 感謝所有當日出席及協助籌備活動嘅義工嘅付出和努力🙏，令到活動圓滿舉行。同時亦感謝校方邀請及聖雅各福群會蘇屋長者鄰舍中心帶埋一眾老友記參與🙏

* 雞蛋仔工作坊🥚@中華基督教會屯門堂何福堂幼稚園 *

2024.2

又回熟悉的環境😌，感謝校方第五年邀請「許善」到貴校進行非遺工作坊🙏。今年嘅項目繼續都係雞蛋仔工作坊🥚，因為簡單易做又好味😋，最適合幼兒小班教學。雖然對住小朋友，但係義工們都係一絲不苟準備有圖片的Notes作分享🧐。篩麵粉，攪拌材料都難唔到同學仔👍，轉過頭就有新鮮熱辣♨️的雞蛋仔出爐喇，仲可以即時享用添!

最後當然都要感謝義工們的協助及充滿愛心的教導🫶

* 「許善」老少幼同樂日@世界龍岡黃耀南小學 *

2024.2

喺今個月初，「許善」有幸同世界龍岡黃耀南小學合作🤝，係過農歷新年前合辦咗一個老少幼同樂日🎊。當日有幼稚園、黃耀南小學嘅同學仔之外，仲特別邀請咗一班老友記參與🫶。活動中「許善」安排咗多個非物質文化表演，包括扯鈴、中國雜耍、粵曲及變臉表演。同學仔睇到各個表演者的神乎其技，不僅發出驚訝嘅嘩嘩聲😮😱，之後仲十分踴躍上台體驗🤩。雖然老友記比較淡定，但係聽到粵曲表演🎶🎤可以見到佢地都係十分陶醉💕。表演之後「許善」仲有新春福袋🎁派比老友記，順便拜個早年之餘🧧，讓佢地可以滿載而歸。當日除咗喺禮堂有表演，同時喺學校活動室亦有雞蛋仔和剪紙工作坊進行，實行有得睇，有得玩，又有得食，讓大家享受一個有意義的上午。

感謝學校的邀請及提供場地🙏，亦感謝義工們一大早就要幫忙Setup埸地及協助活動順利進行。🙏

* 中華文化慈善生日會🎂- Elijah Lu 小朋友5歲生日 *

2024.2

「許善」鼓勵小朋友從小養成關愛精神❤️，生日唔好只顧自己開心慶祝，反而趁嚟個機會做善事，同其他人分享快樂。

同時「許善」亦希望透過舉辦非遺生日會🎂宣揚中國非物質文化遺產🐉；讓未來社會未來主人翁更加了解各種非遺项目。

另外，有些家長更會呼籲參加Party嘅小朋友捐款給「許善」代替送生日禮物，實行生日助人🫶。

當天「許善」義工團及一眾導師一早🕖就到活動場地Set Up。今次活動項目包括雞蛋仔製作🐥🥚、麵粉公仔、糖畫、龍鬚糖、中國結、福袋包裝體驗及變臉表演，義工們帶領住一班參加派對的大小朋友一齊透過玩樂了解中國香港非遺文化。

生日嘅小朋友Elijah同佢屋企人稍後更會把當日小朋友親手包嘅福袋親自送到基層老人家手上。送上嘅當然唔只係一個福袋，而係一份溫暖同愛心❤️

藉此機會再次感謝善長選擇「許善」為小朋友舉行生日派對🙏及善長今次嘅捐款；當然亦要再次多謝咁多位義工為慈善出一分力。😘

* 「許善」尾牙午宴2024🍽️ *

2024.2

為感謝義工們過去一年的支持及愛❤️與汗💦，本會於1月27日宴請了一眾義工進行午宴🍽️。今年活動數量破記錄新高📈，全賴義工們的熱情參與🔥，而且亦感染身邊的朋友加入成為「許善」義工一份子🆕，好開心今年午宴見到好多新面孔👀。午宴喺「許善」管理層由歡迎致詞開始，今年更邀請咗兩位長期支持「許善」的義工成為新任幹事，恭喜吳騰輝先生 (Ernesto)及廖燕恩女士 (Elizabeth)🎉。多名義工過去一年亦獲得由民政及青年事務局與義務工作發展局合辦「香港義工獎」2023 嘉許🥳，亦有多位義工完成本會「我要做導師」計劃並榮升為導師🎓，兩個獎項同時於午宴中頒發📜。除咗享用美食😋，「許善」管理層亦準備咗抽獎及新春福物送比大家，包括有「許善」利是封🧧、手寫揮春、手寫福字及收納袋🛍️，等大家又可以又食又拎😆。「許善」再次衷心感謝大家的支持🫶，未來發展仍需要與大家同行，2024年讓我們一起繼續努力💪，令更多有需要的人受惠！另特別聲明，所有宴會費用及紀念品均由管理層自掏荷包支付以答謝大家；並沒有用善款分毫👍🏻

* 「許善」慈善宴第三回🍽️ *

2024.1

嚟到２０２４年，美味又再次回歸😋。「許善」創辦人之一，人稱「隱世廚神」的許師傅🏅繼續親身下廚，為善長Jason Chan 及他的好友炮製傳統與創意俱備的佳餚🍛，看相就知許師傅如何認真🧐。新鮮的材料配上高超的烹調技術，賓客們都讚不絕口😍。當日籌得善款HK$20,000。

感謝「許師傅」及善長們的支持。🙏🙏

* 「許善」探訪活動🎁 *

2024.2

年近歲晚🐉，「許善」當然唔會忘記社會上有需要的人士，早2個星期六(2月3日)再次兵分兩路上門探訪，仲去完九龍區再入新界區添💪。每次探訪都會同受訪者傾計💬，今次就遇到一位好開朗的獨居婆婆👵🏻，同義工們分享唱K心得🎤🎶，逗得一眾義工開心大笑🤣。傾談過後就送上由聖雅各事先準備的小家電及「許善」新春福袋🧧，今次福袋內容包括揮春、紙巾、壽桃牌麵、嘉頓餅乾、黃道益活絡油活絡貼及另外有4款不同日用品或零食。義工仲會教導受訪者點用新家電甚至幫忙安排添，今次其中一樣就係幫一位聽障人士安裝閃燈門鐘🚨🔔。

感謝聖雅各的安排及義工們的協助。🙏

* 我最喜愛非遺項目大賽得獎作品欣賞👀 *

2024.2

今次大賽得獎作品水平好高，主題包括：涼茶、舞獅、粵劇、變臉、麵粉公仔、中秋節、春節、圍棋、糯米、月餅製作、太平清醮、客家話及酒釀製技藝，大家一齊嚟欣賞啦!😍i

* 「許善」生日助人計劃🎂 2024年2月生日之星✨ *

2024.2

「許善」生日助人計劃🎂 2024年2月生日之星✨ 感謝以下13位2月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Christina Kam ⭐Phoebe Wong ⭐James Mak ⭐Helen Yim⭐Elseda Shum ⭐Ronald Kwan ⭐Ivan Ma ⭐Helen Ha ⭐Reyna Chu ⭐Tam Ping Cheung ⭐KH Wong ⭐Nelson Yeung ⭐Agnes Hui

* 「許善」我最喜愛非遺項目大賽頒獎禮🏅✨ *

2024.1

歷時超過一年的「我最喜愛非遺項目大賽」終於劃上圓滿的句點⭕，頒獎禮亦於上星期六(27日)舉行。恭喜各位得獎同學可以係芸芸過千份參賽作品中脫穎而出獲得大會評審及公眾的青睞🥳，絕對係實至名歸👍。「許善」亦感謝所以有份投稿的同學及全力支持學校🙏，讓「我最喜愛非遺項目大賽」得以成功。

以下為完整得獎名單📋：

🟡初小組
冠軍：黃煒傑；題目：中國象棋；拔萃男書院附屬小學
亞軍：陳淳醴；題目：涼茶；拔萃男書院附屬小學
季軍：尹顥霖；題目：圍村黃酒釀；保良局香港道教聯合會圓玄小學

🔵高小組
冠軍：孫煒承；題目：中秋節；伊利沙伯中學舊生會小學分校
亞軍：張沚綸；題目：麵粉公仔；伊利沙伯中學舊生會小學分校
季軍：李琛柔；題目：醒獅；伊利沙伯中學舊生會小學分校

🟢公開組
冠軍：姚珈瑜；題目：客家話
亞軍：梁瀜允；題目：太平清醮
季軍：李芷晴；題目：月餅製作

🟣最踴躍參加學校
初小組：保良局香港道教聯合會圓玄小學 — 佔所有「初小組」30%
高小組：伊利沙伯舊生會小學分校 — 佔所有初小組「高小組」51%

🔴網上人氣大獎（初小組）
第一名：陳淳醴；題目：涼茶；拔萃男書院附屬小學
第二名：Leung Hoi Tik；題目：變臉；拔萃男書院附屬小學
第三名：江凱倫；題目：粵劇；基督教香港信義會信愛學校

🔴網上人氣大獎（高小組）
第一名：王梓熔；題目：圍棋；伊利沙伯中學舊生會小學分校
第二名：余柏謙；題目：春節；伊利沙伯中學舊生會小學分校
第三名：危紫琪；題目：涼茶；伊利沙伯中學舊生會小學分校

🔴網上人氣大獎（公開組）
第一名：姚珈瑜；題目：客家話
第二名：梁瀜允；題目：太平清醮
第三名：李芷晴；題目：月餅製作

* 「許善」新春福袋包裝日🧧 *

2024.1

每年春節「許善」義工團都會聚首一堂包裝福袋。今次30位義工齊集、總共要包800個新春福袋。新春福袋內容十分豐富😍，包括有黃道益活絡油、紙巾、餅乾、零食、牙膏牙刷，仲有新春限定「許善」利是封🧧，義工們親手寫揮春共800張、另外仲有由於重量關係已經直接送咗去合作機構嘅白米🍚、洗頭水及梘粉，簡直係包羅萬有💯。義工們抱住將「善」送出嘅正能量❤️又再一次極速完成包裝任務，真係要同義工們講句：「有你們真好🫰🫶💕」

最後亦要感謝以下機構(不分先後)捐出物資，讓公公婆婆可以過一個豐盛的新年。🙏

🩷 聚大行 🩷 士多Ztore 🩷 壽桃牌
🩷 VIRJOY 🩷 嘉頓Garden 🩷 健盈醫藥
🩷 David Chan

及以下義工親手寫揮春
💛 Shirley Fu 💛 Ernesto Ng 💛 Polly Shum
💛 Anson Tam 💛 Alan Tong

* 香港潮商學校🏫 變臉表演及分享會🎭 *

2024.1

好開心又返到嚟香港潮商學校，今次為同學帶嚟中國🇨🇳非遺文化 - 川劇變臉表演及分享會。「香港國寶級變臉大師」氣勢磅礡登場💃，仲近距離表演變臉，同學驚訝的表情表露無遺😱😍，紛紛變成小Fans上前爭住要同大師握手🤝🏻，喺其後上台體驗環節個個同學都搶住舉手參與，有幸被選中嘅同學喺大師簡單教導基本功下都做得有板有眼。👍

感謝校方的邀請及「許善」義工們的支持。🙏

* 「許善」❎ 金茶王港式奶茶班 *

2023.12

講到香港美食，「港式奶茶☕」絕對係當中的表表者，亦係屬於香港嘅非物質文化遺產。早前「許善」再次舉行「我要做導師」活動，一眾管理層代表親身去到金茶王位於葵涌的廠房參與港式奶茶入門課程，希望未來學成出山之後可以成為導師舉行工作坊將嚟個技藝承傳下去。唔好聽到乜乜文化遺產就以為一定好難學🧐，只要踏出第一步，好多野都會比你想像中簡單。今次學沖港式奶茶亦比想像中簡單亦充滿樂趣🫖，大家學員對自己嘅出品好滿意😋。當然如果要做到更高甚至頂級水平，就一定要花更多時間鑽研📚。所以管理層代表即場買咗幾套沖奶茶的工具返屋企繼續練習，希望可以盡快累積經驗成為導師。

* 北角派發福飯🍚及福米🌾 *

2024.1

剛剛星期六（13日）一早「許善」義工團就出動去北角派發福飯🍚及福米🌾。去到現場已經有老友記未夠鐘就排隊，義工們就拿拿聲入飯盒同搬米💨，等活動可以準時開始⏱️。「許善」啲義工真係好有愛💕，除咗出力💪，周時仲會有心思主動準備額外的禮物，今次就有襯就快新年親手寫嘅100張揮春及對抗流感高峰期嘅酒精搓手液，借此活動「許善」亦為公公婆婆送上新年禮物同祝福🧧🫶。

感謝Ztore贊助福米🙏

* 上水鳳溪第一小學校園工作坊🏫 *

2024.1

又回到熟悉的上水鳳溪第一小學，2024年已經喺第4️⃣年頭同學校合作，今次再為同學仔帶來雞蛋仔🥚及中國剪紙工作坊✂️。今次係第一次百幾個同學仔一齊喺禮堂做剪紙👏，好彩義工導師Susanna 領導有方，一班義工亦非常專業，令整個過程非常順利。雞蛋仔工作坊義工導師Isabella 技術亦愈來愈精進💯，可以輕鬆教導之餘，仲同同學仔不斷互動。校方最後將當日剪紙工作坊的作品喺走廊做咗一道「剪紙牆」以供參觀㖭😍。

感謝校方再次邀請及義工們的協助🙏

* 「許善」生日助人計劃🎂 2024年1月生日之星✨ *

2024.1

感謝以下14位1月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Simon Jim ⭐Brenda Chark ⭐Ho Yee Lin
⭐Raymond Kung ⭐Gilbert Wong ⭐Anthony Kwok
⭐Mabel Leung ⭐Wendy Tsang ⭐Joshua Siu
⭐Natasha Lee ⭐Sophia Yim ⭐Kimberley Cheung
⭐Sheldon Cheung ⭐Jane Young

* 「許善」探訪獨居長者👵🏻👴🏻 *

2023.12

準備好冬至福袋，又係時間出發探訪獨居長者🚶‍♀️🚶，上星期六（１２月１６日）一眾義工分別去到黃大仙、深水埗及觀塘進行探訪。今次聖雅各福群會仲準備咗一系列禦寒物品暖風機、毛氈、棉被、電熱水壺等等送比長者們添。除咗送禮🎁🧧，同長者閒談亦都係任務之一🗣️，傾計嘅過程係可以感受到唔少長者都係充滿正能量💪，獨居並不等於孤獨。希望今次探訪除左物質上之外，長者們心靈上都可以有一個溫暖的冬天。🔥

感謝聖雅各福群會的安排及義工們的參與。🙏

* 冬至湯圓介紹 *

2023.12

好高興有幾位「許善」小義工，想為推廣中國傳統文化出一份力💪，合力拍攝了一個4分鐘短片📹，介紹冬至湯圓😋。片中結合動畫和實景🖼️，而實景部份係彩用知名導演 - 是枝裕和（Hirokazu Koreeda）在拍攝 Netflix 年初大熱🔥之作 [The Makanai 舞伎家的料理人] 同一手法，如有追看 The Makanai 的朋友一定有多一份感覺💕。「許善」在此感謝幾位小義工➡️ Nasya Tse, Charis Phua, Sophia Yim, Claire Chow, Emily Chiu，並祝願各位有一個愉快及溫暖的冬至。🫰

* 「許善」冬至福袋包裝日🥶🧧🎁 *

2023.12

音

剛剛星期六（12月8日），義工團再次聚集一齊包裝冬至福袋。今次福袋內有紙巾、腸仔、鮑汁螺片、即食麥片、快熟麵等等😍。最後唔駛2個小時，800份福袋已經包裝完畢😱，破咗最快完成記錄👏👏。
下星期我哋嘅義工仲會親身上門送福袋給獨居長者。💪

年晚將至，許善在此多謝各位義工喺2023年許多許多項目上面嘅支持同鼓勵，順祝各位有一個溫暖愉快而又充滿善心和愛心的冬至。💕

最後感謝以下贊助商提供物資🙏，包括Ztore、壽桃及Virjoy。(排名不分先後)

* 「許善」協辦
我和我的祖國暨何占豪九十生辰慶賀全國巡迴音樂會🎼 *

2023.5

音樂會已於５月３０日於香港文化中心音樂廳圓滿成功🥳。《梁祝》作者、著名作曲家何占豪教授親臨指揮雙琵琶協奏曲《梁祝》🎵、梁祝協奏曲《化蝶》及由徐惠芬演唱🎤的《別亦難》等等經典曲目，展示一代藝術家風采，動人樂曲繞樑三日👂🎶，動人心弦。💕

音樂會前一晚，大家更和何大師慶祝生日🎂，「許善」幹事Ernesto 輝哥更代表「許善」致歡迎詞，預祝何大師再度來港演出成功及祝賀大師壽比南山，身體健康💪。

* 「許善」生日助人計劃🎂 2023年12月生日之星✨ *

2023.12

感謝以下7位12月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Logan Au ⭐Eiley Chu ⭐Edwin Chan
⭐Amelia Choi ⭐Geoffrey Wong ⭐Kasper Wong
⭐Gilbert Leung

* 「許善」探訪真光護老之家👵🏻👴🏻 *

2023.11

「許善」義工團喺１１月１８日（星期六）去咗灣仔探訪真光護老之家。真光護老院係聖雅各福群會一間自負盈虧嘅院舍，當日除咗同日間中心嘅長者閑話家常之外，亦有探訪住院嘅長者。好多長者都好健談，大家傾得好開心。除咗探訪之外，我哋亦都送上福袋及福米。當中仲有陪伴咗幾位好精靈嘅院友打衛生麻雀🀄鍛煉記憶力添。😝

感謝聖雅各福群會爭光護老之家的安排及義工們的參與。🙏

* 「許善」x 懲教署賣物會精華片段✨ *

2023.11

「許善」❎ 懲教署賣物會當日影咗唔少精華片段。保安局副局長卓孝業先生、懲教署署長黃國興先生、主禮嘉賓粵劇名伶蓋鳴暉女士及香港小姐2023都有嚟參觀「許善」攤位。一齊嚟睇吓當日活動精華短片啦! 📹👀

* 「許善」慈善宴第二回🍽️ *

2023.9

善長Iris及L Lau趁中秋佳節於９月２９日贊助慈善宴與家人共享佳節，完成了「許善」慈善宴第二回。今次再由「許善」創辦人之一，人稱「隱世廚神」的許師傅親身下廚，讓善長及家人享用各式各樣的傳統粵菜。當日兩位善長各捐出善款HK$20,000，所有食材均由善長自掏荷包購買，沒有用善款一分一毫。

感謝「許師傅」及善長Iris及L Lau的支持。

* 「許善」荃灣劏房戶探訪 *

2023.11

上星期六（１１月１１日），「許善」大小義工一大早就集合🕙，去探訪劏房戶，全部劏房都係位於無樓梯的舊式唐樓😨，義工要爬樓梯之餘仲要搬埋福米及福袋💪，真係辛苦哂大家喇🙏。「許善」除咗帶上禮物，最重要係希望受訪者可以感覺到社會對佢嘅一份關心🫶

* 「許善」贊助及參與懲教署第６８屆秋季賣物會２０２３🎊 *

2023.11

今年「許善」十分榮幸參加及贊助懲教署一年一度的重頭活動 - 「秋季賣物會」，我哋係活動之中仲擔當唔同角色添。

1️⃣ 冠名贊助 - 今年第６８屆秋季賣物會活動於赤柱監獄側足球場舉行📍，今年賣物會以弘揚中華文化🐉🇨🇳為主題。當中弘揚中華文化體驗區係由「許善」贊助，讓市民可以親身體驗投壺、木射和扯鈴等中國傳統運動，以及活字印刷、剪紙製作和面部彩繪等中國傳統手工藝。場內更特設留影區讓市民試穿華服，打卡拍照。會場內有攤位售賣在囚人士製作的產品，包括傢俬、木製擺設、文具、籐器、盆栽和手工藝品。賣物會亦有各式各樣的精彩節目，包括中式步操表演、舞獅舞龍、太極表演、懲教署警衞犬隊表演及民安隊電單車表演等。

2️⃣ 慈善義賣 - 「許善」邀請了著名剪紙藝術家李雲俠大師捐出獨一無二的作品作慈善拍賣，為懲教署籌得善款HK$33,000，該款項在懲教署扣除開支後，將捐助不同的志願機構及受惠團體。💕

3️⃣ 「龍鬚糖」攤位 - 除左出錢，「許善」又出埋力，以擁有二千年歷史的中國民間傳統小食「龍鬚糖」作為參加主題及設置攤位，現場更有大師即時制作及講解，亦準備咗爆谷及玩具車等作小遊戲獎品及抽獎之用。喺大小義工的協助下，現場反映熱烈，據報導有超過9,000人入場🎉，所以未到完結時間已經將所有「龍鬚糖」及禮物派發完畢👏，感謝大家的支持🫶。亦感謝大小義工的一大早就黎幫手Set場及整日無間斷與參加的市民互動。最後更要感謝贊助商美昌集團提供大受小朋友歡迎的精美玩具車仔作為禮物之一。

* 「許善」生日助人計劃🎂 2023年11月生日之星✨ *

2023.11

感謝以下11位11月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Dr. Pauline Leung ⭐Cora Yew ⭐Ray Chong
⭐Stanley Chu ⭐Damon So ⭐Clara Chiu
⭐Dennis Ng ⭐Emma Tam ⭐To Ching
⭐Jolie Lui ⭐Dr. Michael Levis

* 「許善」福袋福飯派發日🧧🍚 *

2023.10

包完福袋第二日「許善」就馬不停蹄去北角送暖🐎🔥，而且仲連跑兩場添🏃🏃‍♀️，分別喺上善素及小辣椒餐館，合共派出400個福飯和400個福袋！一去到已經有唔少長者係道排隊，義工們立即投入工作，幫手入熱廚房裝飯、派飯、派福袋，維持秩序💪。幾位義工企足3個鐘😮，真係愛心爆棚💗💕，不過見到受惠者嘅笑容，心靈嘅滿足係可以蓋過疲勞✌️。
兩位小義工送上福飯和福袋時仲大大聲祝公公婆婆身體健康，值得一讚！

* 「許善」福袋包裝日🧧👵🏻👴🏻 *

2023.10

今次為北角區派飯活動和11月份荃灣區劏房戶探訪, 老人院探訪等準備福袋。

「許善」義工個個都已經變哂熟手技工🫲🫱，就算今次有新義工參與，都可以極速融入🫠，一個朝早已經可以完成任務- 成功包裝8️⃣0️⃣0️⃣個福袋「許善」⏱️。

感謝贊助商士多Ztore及美心支持🙏，當然仲有義工們的協助🫰及場主Caesar 借出場地。

* 「許善」生日助人計劃🎂 2023年10月生日之星✨ *

2023.10

感謝以下6位10月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Cannie Chan ⭐Au Lok Hin ⭐Charlie Mak
⭐Lilian Yip ⭐Noven Wan ⭐Muji Wong

* 「許善」中秋探訪獨居長者👵🏻👴🏻 *

2023.09

「許善」中秋活動第4️⃣彈，今次夥拍聖雅各福群會兵分兩路去到九龍區及香港島探訪獨居長者👀。除咗福袋同福米🌾，我們仲有愛心義工自掏腰包準備額外禮物。亦感謝聖雅各為部份有需要嘅長者安排送上電風扇🪭⚡，義工協助搬運之餘仲幫手組裝添🛠️。探訪嘅主要目的其實係同老友記傾下計🗣️，等佢地知道有人關心同時了解佢地嘅需要💕，之前更有義工跟隨我地探訪之後主動聯絡📞，安排醫師為個別長者進行健康檢查🩺，真係善心爆棚💗。義工們趁探訪時為老友記送上中秋節嘅喜悅及最誠摯的祝福，願各位身體健康生活美滿！ 🌕🙏🌟

* 「許善」蘇屋中秋聯歡會🎊 *

2023.09

臨近中秋，「許善」義工團又周圍去散播歡樂🫶，今次參與咗由蘇屋長者鄰舍中心舉辦的中秋聯歡會（九月廿一日），同老友記一齊開Party🥳。聯歡會中部份長者們為分別表演魔術🪄同埋一展歌喉🎤，令一眾參加者驚歎又回味無窮😍。之後「許善」義工同大家猜燈謎互動，老友記們十分熱切參與，佢地一齊思考🤔、一齊討論🗣️，唔少燈謎都比佢地答中👍，薑果然係老嘅辣🫚。「許善」更準備咗中秋福袋🎁和福米派比大家，為參加者們帶來一份溫馨嘅中秋祝福💕。

感謝蘇屋長者鄰舍中心的邀請及義工們的參與。❤️

* 「許善」中秋月餅製作義工同樂日🥮 *

2023.09

一年容易又中秋🌕，今年「許善」連續第三年安排咗月餅製作班比一眾義工參與，Alice老師更係連續三年擔任義務導師👏，讓大家寓交流於傳承中國傳統文化。繼前年及大前年分別教授紫薯月餅💜及傳統月餅🥮，今年再加埋綠茶麻糬月餅😍，創意令各位義工大開眼界👁️。Alice老師實在好專業👩‍🏫，教大家之餘仲一早準備好哂材料及食譜📝，簡化了工序，令到大家即場整完仲夠時間品嚐埋新鮮出爐熱辣辣的月餅😋。感謝Alice老師的細心指導🫰
最後「許善」預祝大家人月兩團圓🎑，中秋節快樂！🥳

* 「許善」生日助人計劃🎂 2023年9月生日之星✨ *

2023.09

「許善」生日助人計劃🎂 2023年9月生日之星✨

⭐Donna姐 ⭐Gigi Woo ⭐Susanna Wong
⭐Kenneth Chan ⭐Dicson Hung ⭐Martin Hui
⭐Brian Tse ⭐Felicia Law ⭐Raphael Hui
⭐Lucy Chan ⭐Tracy Yeung ⭐Isabella Lee

* 「許善」中秋福袋包裝日🏮 *

2023.09

包福袋前兩日遇黑雨⛈️，交通受到影響令部份物資未能送達，好在管理層馬上應變，加上供應商「嘉頓」除咗以超優惠價錢賣物資俾我哋，更係黑雨下仍然堅持運送物資，避免中秋福袋無咗最重要嘅「月餅🥮」。仲有負責提供膠袋嘅盡責街市老伯伯，同樣星期五8am已經準備好800個膠袋，真係十分感激各間大小良心公司💕。

就算係黑雨翌日，路況都受影響，各位依然準時到達更極速完成⏱️，有你地支持真係「許善」的福氣🫶。今次福袋內容包括嘉頓月餅、嘉頓威化餅禮盒、脆皮花生、口罩和紙巾。為保護名貴月餅許善今次出動大膠盒(變成福盒😆)。但願公公婆婆收到禮物開開心心！快樂過中秋！

最重要係多謝贊助今次福袋物資嘅慈善家 - 顏吳余英女仕，Mr Roger Ngan , Ms Letty Wan, Mr Chan Kam Tong and 我哋創辧人 Nancy Leung!👏🏻👏🏻👏🏻

* 「許善」慈善宴🍽️ *

2023.9

「許善」於剛剛星期六（９月９日）舉辦了慈善宴。當天由「許善」創辦人之一，人稱「隱世廚神」的許師傅親身下廚，讓善長享用各式各樣的傳統粵菜，包括錦繡玉鴛鴦、黃金桂花翅、官燕鷓鴣粥、一掌統山河、金蒜多寶魚、回味豉油雞、菠蘿咕嚕肉及杞子浸時蔬。

做善事之餘，善長亦大快朵頤😋；渡過歡樂的一天。

感謝「許師傅」及善長L Lau的支持。

當日共籌得善款HK$110,000 。所有食材均由管理層自掏荷包購買，沒有用善款一分一毫。

* 「許善」生日助人計劃🎂 2023年8月生日之星✨ *

2023.08

感謝以下9位8月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Elki Tsang ⭐Sylvia Chiu ⭐Eric Lau
⭐Lou Chung ⭐Ken Lee ⭐Ken Chow
⭐Henry Hui ⭐Liu Yui Kai ⭐Lupino Cheung

* 「許善」❎ 聖雅各福群會探訪獨居長者👴🏻👵🏻 *

2023.7

上個星期六（29日），「許善」喺長期合作伙伴聖雅各福群會安排下，去到九龍區進行探訪獨居長者活動。探訪前1-2天仲怕打風🌀要取消，好在最後都成事🥳，雖然落住雨🌧️，亦無阻我哋義工們的熱情💕。今次我哋帶同福袋、福米🍚、生果🍊🍎及由聖雅各安排的小家電探訪咗多個家庭，同長者傾傾計，教吓佢地用新家電。由於暑假，今次更有學生義工參與，親身了解社會不同階層的情況🧐，服務嘅小種子從今天開始起發芽🌱。感謝聖雅各的安排及大小義工的支持。

* 「許善」生日助人計劃🎂 2023年7月生日之星✨ *

2023.07

「許善」生日助人計劃🎂 2023年7月生日之星✨

感謝以下13位6月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Hikaru Shek ⭐Nancy Leung ⭐Maggie Zhang
⭐Warren Chan ⭐Gabrielle Zhou ⭐Catherine Liu
⭐Stephen Loh ⭐Lily Lau ⭐Katherine Hui
⭐Alkie Tang ⭐Vincent Hau ⭐Lam Hon Keung ⭐Lyon Lau

* 「許善」❎ 梅窩學校中式繩結及麵粉公仔工作坊 7月3及4日 *

2023.7

話咁快我地又返到黎梅窩學校🪽，今次仲一連兩日舉行兩個唔同工作坊😎 - 中式繩結及麵粉公仔。梅窩學校嘅同學仔普遍都十分熱情😍，學習之餘仲同義工們打成一片添🥳。「許善」義工團今次亦有新面孔加入👏，第一次就同我地一早去梅窩做活動真係唔簡單💪。

再次感謝校方的邀請及愛心義工們的支持。🙏

* 「許善」❎梅窩小學中式剪紙工作坊 *

2023.6

離島又如何🚢? 繼上次長洲，今次「許善」義工團去到梅窩學校舉行💪🏻3️⃣天工作坊；第1️⃣天係三年级和四年班兩班同學學習中國剪紙。好彩導師早啲出發🕢，今日去上堂唔係塞車，係塞牛🐄🐄🐄🐄🐄😂！
同學仔表現十分主動同埋熱情🔥。喺導師指導下，每一位同學都創作出一個獨一無二的專屬作品😍。
期待七月份第二第三班再見D同學仔同埋牛牛🥰。
最後感謝校方的邀請及義工們遠赴幫忙🙏。

* 「許善」❎循道衛理亞斯理社會服務處合辦
父親節👨同樂日🩷 *

2023.6

係上個星期日(6月18日)趁住父親節，「許善」及亞斯理邀請💌咗一班來自於葵涌區的街坊舉辦同樂日🥳。第一站由專車🚌直接送大家到位於元朗的「冠珍醬園」參觀，大家坐定定；由醬園第四代掌舵人Daniel親自講解中式醬油的歷史及製作. 頭抽即係每桶第一次抽出嚟嘅鼓油🧐，黃豆原來係老咗👴嘅枝豆🫛，生抽同老抽有乜唔同，豆瓣醬原來有蠶豆😮，呢啲都係今日度全部學到👍，之後仲去到工場親身了解，學吓聞豉油👃同試醬添😋。參觀完左之後「許善」安排咗一眾家庭去食泰國菜🇹🇭，仲同大家玩「收買佬」及有獎問答遊戲添，發現今日大家都有好留心學習有關中式醬油歷史。
「許善」義工們見到大家的歡笑都覺得好感動💕，最後當然要感謝亞斯理嘅安排及義工們的協助。🙏

* 「許善」❎ 聖雅各福群會福袋派發活動🩷 *

2023.6

剛剛星期二(13日)，四位「許善」義工去咗聖雅各福群會親手將愛心福袋🩷🎁送到數十位老友記手上。現場公公婆婆反應十分熱烈🔥，大家都好鍾意福袋內容💕，而且義工們又有機會同長者傾計🗣️。由於「許善」同聖雅各福群會長期合作🤝🏻，有部分老友記仲記得「許善」添👍，見到大家嘅笑容😁，義工們都覺得窩心及感動🥰。感謝聖雅各福群會的邀請🙏

* 「許善」探訪獨居老人及派福袋日🩷 *

2023.6

今次（6月17日）「許善」再進一步🪜，由聖雅各福群會中心跳出到📍港島及📍九龍西去探訪獨居長者。三組義工十多人由聖雅各福群會社工帶領下，無畏天氣炎熱🔥、又落大雨☔、仲要行樓梯🦵，義工們都要親手👐將愛心端午福袋、福米💕及由聖雅各福群會安排嘅特別禮物 - 小家電送上，讓有需要嘅獨居長者可以更換損壞嘅電器，以避免發生家居意外並達致「居家安老」的效果💫。義工們更現場安裝及示範新電器用法並與受惠人士閒談💬，了解到獨居、失明及其他家庭問題的困難之處，當中亦好開心知道有受惠者獲派公屋🎉。感謝聖雅各福群會的邀請🙏，更要感謝各位充滿熱誠的義工風雨無阻下完成任務。

* 「許善」拔萃男書院附屬小學非遺工作坊 6月21日 *

2023.6

我地又回歸拔萃男書院附屬小學喇，今次仲舉行咗幾個唔同嘅工作坊㖭。除咗最受歡迎嘅雞蛋仔製作，仲有中式書法、刺繡及雲吞製作，今次仲新增咗兩個新項目 - 醒獅及中式雜耍。嚟兩個項目十分受同學仔歡迎，大家都好主動嘗試，喺輕鬆嘅氣氛之下學習，課室內笑聲四起。其實同學仔仲有任務喺身，要練習不同技巧，準備喺之後嘅活動一顯身手，不過暫時賣個關子先

* 「許善」生日助人計劃🎂 2023年6月生日之星✨ *

2023.06

「許善」生日助人計劃🎂 2023年6月生日之星✨

⭐Jason Yang ⭐Amanda Ng ⭐Blackmore Chan
⭐Lesley Lam ⭐Joe Leung ⭐Rimsky Yuen
⭐Fanice Lui ⭐Scarlett Pong ⭐Roden Tong

* 「許善」端午/父親節福袋包裝日🎁 *

2023.6

一眾「許善」義工又再次聚頭包裝「端午」福袋，準備趁節日為公公婆婆送上溫暖💕。好開心今次又有新嘅大小朋友加入🤩，「許善」義工團愈黎愈人強馬壯💪。今日福袋內容超級豐富，包括鮑魚滷、維他命、杏仁、紙巾、零食、多款麵類、中式藥油、罐頭食品等等共8️⃣0️⃣0️⃣份福袋，係義工們協助下極速完成。愛心義工除咗包福袋，仲親手整作愛心卡，係6月30日老少同樂日，送俾一班獨居長者❤️❤️。感謝一眾贊助商的支持🙇，期待公公婆婆好快可以收到🫰🥰。

特別嗚謝以下贊助商(排名不分先後)
▪️Ztore士多
▪️壽桃牌
▪️滿貫(亞太)集團有限公司

* 「許善」 ❎ 元朗東莞同鄉會熊定嘉幼稚園中國剪紙工作坊 *

2023.6

一眾「許善」義工們今次去到住於天水圍嘅元朗東莞同鄉會熊定嘉幼稚園進行中國剪紙工作坊✂️。中國剪紙嘅精髓✨，就係就算透過幼稚園同學仔嘅小手👐，只要有適當的指導👩‍🏫，都可以簡單地剪出複雜又對稱的圖案🤩，仲可以係創作中訓練想像力添👍。

感謝校方的邀請及義工們的協助💖

* 電台訪問📻 - RTHK 同理‧繼續傾 *

2023.06

早前「許善」受到RTHK的邀請，去到由馬浚偉主持的《同理‧繼續傾》傾吓計🎙️，創辦人呂宗熾律師應邀代表「許善」出席，同行更有多次合作的鳳溪第一小學朱偉林校長。節目中除咗分享「許善」成立及名稱的由來🗣️，亦介紹咗「許善」的目標及使命。朱校長同時亦分享了和「許善」多次合作舉行工作坊對學校及同學仔的影響及好處👍。而家立即就去RTHK網上重溫啦👂，仲可以聽吓呂律師迷人嘅聲音😍

🔸網上重溫：https://www.rthk.hk/radio/radio2/programme/talkwithyou

(6月1日，第一部份31分鐘開始)

* 「許善」❎聖保羅書院小學變臉表演及分享會✨ *

2023.05

「許善」服務的學校又多一間喇🎉 今次一眾義工去到位於薄扶林的聖保羅書院小學🏫進行變臉表演及分享會。講變臉又點可以少咗大師韋飛雄師傅嘅表演呢，今次活動除左同學仔仲有家長一齊參與，大家都睇到嘩嘩聲🤩。體驗環節同學仔仲要爭住上台即場學變臉🙌，部份同學仔動作仲有板有眼添👍，快D Click以下短片睇下同學仔表現啦!

感謝家教會的邀請及義工們的支持🙏

* 「許善」生日助人計劃🎂 2023年5月生日之星✨ *

2023.05
感謝以下13位5月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)
⭐Benjamin Choi ⭐Sylvia Lau ⭐Hui Pui Wing
⭐Yvette Chan ⭐Hugo Wong ⭐Natalie Lau
⭐Anson Tam ⭐Kevin Leung ⭐Iris Leung
⭐Ida Li ⭐Kevin So Danielle Shek⭐Michael Tse

* 「許善」❎ 香港懲教署川劇變臉工作坊🎭🥚 *

2023.5

「許善」及一眾義工早前去咗壁屋懲教所為青少年在囚人士舉辦「非物質文化遺產活動系列．川劇變臉工作坊」。許善Nancy 充當活動主持，講解變臉的文化歷史，變臉大師韋師傅更現場表演及即席教導變臉技巧。
「許善」希望透過活動可以培養少年對中華文化的認知及感情💕，建立正向嘅價值觀。
同時亦希望透過這次活動令青少年在囚人士感受到人間溫暖、我哋對佢地嘅関愛、支持同鼓勵。❤️❤️❤️
活動期間，呢班青少年在囚人士都反應熱烈，相信活動都帶左好多歡樂俾佢哋。
感謝懲教署的邀請🙏，希望未來可以為更多在囚人士提供更多唔同的「非遺」知識。

* 「許善」慈山寺同樂日 *

2023.4

許善上星期六, 特別邀請咗一班義工去大埔洞梓慈山寺參觀。今次安排了導賞員, 由慈杉師姐沿途講解, 實在給我們更深層次的體會。參觀前一眾去了三門仔午宴🍴. 許善希望藉此活動答謝義工長期支持所付出的愛❤️與汗💦。特此聲明, 所有義工同樂日費用, 均由管理層自掏腰包, 沒有使用許善任何善款.

* 許善❎石籬聖若望天主教小學 - 中式糖畫親子工作坊💌 *

2023.4

Long Weekend之前許善又再次出動喇💨，今次係第一次去到石籬聖若望天主教小學服務🏫，活動係中式糖畫親子工作坊。糖畫易學難精🎓，路線要諗定🛣️、手要定🖐️、作畫時要控制糖膠份量🧪、剷起凝固嘅糖膠又要溫柔🌬️，而且設計仲要有創意添💡！同學們都十分投入試做，家長更挑戰高難度用糖膠寫「福🧧」宇添！完成後大家仲可以拎埋成品返屋企欣賞及品嚐😋！

感謝校方的邀請及義工們的支持🙏

* 「許善」生日助人計劃🎂 2023年4月生日之星✨ *

2023.04

感謝以下10位4月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Bonnie Lo ⭐Louis Yan ⭐Johnny Wong
⭐Jason Chan ⭐Sabrina Chui ⭐Arnold Leung
⭐Olivia Hui ⭐Anderson Chan ⭐Scarlett Mak
⭐Eunice Leung

* 「許善」黃大仙3️⃣月派福袋日💌 *

2023.3

好事可以重複恆常做，今個月我哋又去到黃大仙派發愛心福袋。為免長者們早早就要黎排隊，今次我哋提早幾日就先去派籌，當日憑籌號輕鬆領取福袋，就算最後幾位公公婆婆未出現，我哋嘅義工都唔會離開，大家食住薯片，chill住等佢哋。今次福袋內容包括又大又靚嘅4012新奇士橙(流感高峰期為長者增加維他命C）、口罩, 茄汁豆、粟米湯、麵食及紙巾。

最後當然要感謝所有愛心義工的幫忙

* 「許善」生日助人計劃🎂 2023年3月生日之星✨ *

2023.03

⭐Diana Yau ⭐Adam To ⭐Cora Ko
⭐Grace Yeung ⭐Desmond Chow ⭐Thompson Che
⭐Stephanie Ng ⭐KK Leung ⭐Ethan Leung
⭐Shirley Fu

* 「許善」❎元朗東莞同鄉會熊定嘉幼稚園雞蛋仔親子工作坊🥚 *

2023.5

「許善」又有全新服務對象喇🥳! 今次我地首次去到位於天水圍嘅元朗東莞同鄉會熊定嘉幼稚園舉行雞蛋仔親子工作坊🥚。雞蛋仔親子工作坊係幼稚園中係最受歡迎的項目🔥，皆因做法真係好簡單。同學仔都好主動幫忙打蛋、篩粉及攪拌材料🌀，準備好後就可以即場放入雞蛋仔機烘焙，轉個頭就有新鮮熱辣嘅成品出爐喇😋！

感謝校方的邀請及義工們的支持🙏

* 「許善」❎中華基督教會屯門堂幼稚園二校
雞蛋仔製作親子工作坊🐣 *

2023.2

非遺文化唔一定係艱深的學問👨‍🏫，當中雞蛋仔製作就係一項連小朋友都可以一齊承傳的民間傳統，所以一直深受幼兒園及初小群組歡迎🙋‍♂️。今次「許善」去到中華基督教會屯門堂幼稚園二校舉行親子雞蛋仔製作工作坊。

同學都十分主動參與準備材料👩‍🍳👨‍🍳。完成後更時即品嚐自己親手製作熱辣辣雞蛋仔添!😋

感謝學校的邀請及義工們的支持。🙏

* 「許善」 ❎ 伊利沙伯中學舊生會小學分校
香港故宮文化博物館一日遊🔍 *

2023.02

疫情過後終於可以幫同學仔跳出課室🏃🏃，用唔同嘅方法了解及承傳非遺文化。今次「許善」帶咗30多位來自於伊利沙伯中學舊生會小學分校嘅同學去香港故宮文化博物館一日遊。同學仔對各種珍貴的文物都充滿住好奇心🧐，途中都十分專注聆聽👂導賞員講解🗣️，館內就算瞓係道都可以睇片學習歷史👀，以嶄新視角探索中國藝術和文化😆。

* 「許善」❎善導會參觀故宮博物館 *

2023.2

「許善」服務對象多元化⚧️，除咗學校👩‍🎓👨‍🎓及長者👵🏻👴🏻，有機會亦會同唔同團體合作，今次合作伙伴係「善導會」。「許善」今次為「善導會」的服務對象安排咗一個故宮博物館一日遊🛄，活動途中導覽人員向參加者講解🗣️文物有關的文化及歷史，其後更欣賞了香港共融樂團的表演🎶🎼，參加者就在輕鬆的氣氛中學習及傳承中華文化。

感謝德和慈善基金贊助60張門票🙏

* 「許善」✖️拔萃男書院附屬小學變臉表演及體驗工作坊 *

2023.02

上星期四(2日)有幸獲邀去到拔萃男書院附屬小學舉行「變臉分享日」。校方係安排全校同學同時參與🤩，高年班超過450位同學係禮堂可以現場親身感受氣氛🤗，其餘同學就安坐班房睇Live Feed🎥。

先開始由Henry同Nancy兩位司儀展開序幕，介紹什麼是變臉，其來源及歷史等等，同學仔全部靜心聆聽。到變臉大師韋飛雄小姐出場表演，現場氣氛升溫🆙，同學們都睇到「嘩嘩聲」😮，個個立即成為小Fans😍。

體驗環節超多同學仔舉手自薦上台學返兩招‼️最後問答環節🎤同學們都表現卓越，啲問題完全難唔到佢哋！

另外，特別要再讚賞一班學生。應肅靜時肅靜，應熱情是熱情。秩序井井有條，值得一讚。👍🏻👍🏻

🔸感謝拔萃男書院附屬小學的邀請🙏
🔸感謝變臉大師韋飛雄小姐出現表演🙏
🔸感謝義工們的愛💕與汗水💦

* 「許善」生日助人計劃🎂 2023年2月生日之星✨ *

2023.02

感謝以下12位2月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Wong Kok Ho ⭐Nelson Yeung ⭐Agnes Hui
⭐Helen Ha ⭐Reyna Jane Chu ⭐Elseda Shum
⭐Ronald Kwan ⭐Christina Kam ⭐Ivan Ma
⭐Wong Shuk Ping ⭐James Mak ⭐Helen Yim

* 「許善」變臉表演及體驗工作坊✖️世界龍崗學校黃耀南小學 *

2023.2

大年初十🧧，「許善」已經再次出動📢，目的地係世界龍崗學校黃耀南小學，今次有幸請到變臉大師韋飛雄小姐🤝為大家帶來變臉表演及體驗工作坊。係表演之前，「許善」義工們分享咗變臉的歷史及知識💡，同學都超級留心及投入搶答問題攞獎品添！欣賞完韋飛雄小姐精彩演出後😍，大師更即席傳授變變臉技巧予一眾同學，讓同學親身體驗到非遺文化✊。同時正值新年假期🏮，部份同學盛裝打扮穿上年服參與，更令現場充滿中華文化氣息🐉。

* 「許善」春茗尾牙宴2023🧧 *

2023.01

「許善」每年得以舉辦咁多活動🗓️，義工們無私的支持及參與絕對是「撐起」「許善」一個最重要原素💕。

防疫政策放寬，今年终於可以宴請義工們慰勞一番💆🏻‍♂️💆🏻。今次春茗尾牙宴總共有40多位義工參加。除左「許善」管理層及義工外，亦有幸請到名譽顧問鄧秉明先生及余嫿女士參與，以報答兩位長期義務提供專業及寶貴意見。

管理層亦趁此機會頒發證書予早前獲得「香港義工獎」📜8️⃣位「鐵腳🦵」義工，以表揚他們過去3年付出愛心❤️及汗水💦。

「許善」管理層為表示謝意🙇🏻🙇🏻‍♀️，更準備了由義工Ernesto親手書寫的揮春、及「許善」利是封🧧及環保袋作為紀念品。務求要大家「又食又拎」、賓至如歸！

「許善」再次衷心感謝大家的支持🫶，未來發展仍需要與大家同行，2023年讓我們一起繼續努力💪；令更多有需要的人受惠！

另特別聲明，所有宴會費用及紀念品均由管理層自掏荷包支付以答謝大家；並沒有用善款分毫👍🏻

* 「許善」黃大仙派福袋日🧧*

2023.1

2023年剛到第3️⃣個星期，「許善」義工已經出動咗4️⃣次，剛剛個星期六(14日)，一眾義工就去到上次反應熱烈的黃大仙區派發福袋🛍️。由於餐廳有事先公布📢，所以有長者喺義工們仲包緊福袋嘅時候已早早黎排隊😱。好在今次「許善」準備咗2️⃣0️⃣0️⃣份福袋送比長者們，福袋內容包括口罩、麵食、飲品、紙巾、水果及調味料。「許善」同時亦與現場同長者拜個早年🫶，希望大家新年快樂身體健康💪，長者收到福袋後更急不及待查看福袋內容並帶著微笑離去😊。

感謝愛心義工及贊助商的支持🙏

* 「許善」x 屯門堂何福堂幼稚園 (蝴蝶村) 雞蛋仔親子工作坊🐣*

2023.1

講到香港街頭小食😋，雞蛋仔一定榜上有名📜，好食之餘口味又多，絕對係香港嘅集體回憶之一😌。今次「許善」義工團就去到屯門堂何福堂幼稚園 (蝴蝶村)同一班小小朋友喺家長陪同下進行雞蛋仔親子工作坊⚒️。原味雞蛋仔製作方法十分簡單，就算係小小朋友都可以係不同步驟中幫忙👨‍🍳👩‍🍳，從小體驗香港嘅非物質文化遺產。完成後小小朋友同家長仲一齊即時享用親手製作又熱辣辣💨的雞蛋仔添😋!

感謝愛心義工們的參與及學方的邀請🙏

* 「許善」生日助人計劃🎂 2023年1月生日之星✨ *

2023.01

感謝以下12位2023年1月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Simon Jim ⭐Brenda Chark ⭐Ho Yee Lin
⭐Raymond Kung ⭐Gilbert Wong ⭐ Mabel Leung
⭐ Anthony Kwok ⭐Wendy Tsang ⭐Natasha Lee
⭐Sophia Yim ⭐Charmagne Chan ⭐Jane Young

* 「許善」新春笑口棗製作教學📽️ *

2023.01

仲有1️⃣0️⃣日就係年三十晚，大家都應該開始辦年貨喇🧧。今年不如係屋企同家人一齊試下整笑口棗😄啦，笑口棗做法簡單，只要跟足Alice老師嚟條笑口棗製作教學短片，保證你💯%成功整到笑口棗😎，全家笑口😄常開💕❗

* 「許善」新春福袋包裝日🧧 *

2023.01

剛剛先過左新曆新年🗓️，好快又到農曆新年🐉! 「許善」義工們急急包裝新春福袋，决心為獨居老人、基層長者新春帶來一份溫暖。

今次目標係1️⃣2️⃣0️⃣0️⃣個！「許善」義工團隊由幾年前創會後不繼擴大，再加上義工「line 長」Henry領導下；以往包200個都要用4個鐘，但今次用唔夠3️⃣個鐘已經完成⏱️1200個！

亦要感謝贊助商嘅支持🙏，令到福袋嘅內容愈趨豐富💯。今次新春福袋內容包括飲品🥤、麵食🍜、乾果🥜、紙巾🫧、餅乾、口罩😷、牙膏等等。

由於臨近春節🐰，義工們亦親手寫咗1️⃣2️⃣0️⃣0️⃣個揮春，希望收到福袋的老人家收到物質之外，亦可感受義工親手寫揮春的愛心🫶❤️

再次感謝「許善」義工們的愛💕同汗水💦及以下贊助商的支持💪。🙇‍♀️🙇

(排名不分先後)
▪️士多Ztore ▪️加多寶集團 ▪️壽桃牌 ▪️Ms Polly Shum
▪️嘉頓 ▪️Virjoy ▪️Well Synergy 領盛國際有限公司

* 「許善」 x 上水鳳溪第一小學刺繡🪡及剪紙✂️工作坊 *

2022.12

上星期六(17日)，「許善」義工團無懼1️⃣0️⃣度既天氣及一大早8am🕗集合，於上水鳳溪第一小學舉辦了刺繡🪡及剪紙✂️工作坊。為咗提高同學們的興趣，義工們除咗教導基本知識及技術外，亦都準備咗一啲比較Modern🆕嘅材料，包括有公主👸及獅子🦁刺繡圖案；另外，剪紙工作坊嘅同學就可以試剪充滿春節氣氛嘅「春🌸」字之外，亦提供多款圖案俾嘅同學體驗及自由創作，大家嘅成品都係有板有眼㗎😍

感謝上水鳳溪第一小學的邀請🙏及充滿愛心的義工們嘅協助🫶

* 「許善」冬至福袋2022💓🛍️ *

2022.12

近來氣溫開始下降，不經不覺下個星期四就係冬至喇🧣，上星期期日(11日)，「許善」義工們又再次齊集🎯準備今年嘅冬至福袋。今年福袋內容豐富😍，當中包括口罩😷、袋裝面紙、麵食🍝、飲品、消毒用品🧼及健康食品等，喺老中青三代義工協助下，一個上午已經包好共8️⃣0️⃣0️⃣個福袋。過去一個星期「許善」已經陸續把福袋送到多個支援弱勢社群的合作機構手上作派發之用🙌。多謝義工們踴躍參與亦感謝以下贊助商慷慨提供物資🫶。

「許善」冬至福袋2022贊助商(排名不分先後)：
❤️滿貫(亞太)集團有限公司
❤️冠珍醬油
❤️白花油國際有限公司
❤️士多Ztore
❤️加多寶集團

* 「許善✖️中華基督教會屯門堂幼稚園親子糖畫工作坊🍬🍭 *

2022.12

許善成立已經嚟到第3️⃣個年頭，當中合作過嘅學校唔少都已經成為長期合作伙伴🤝。今次許善義工們再次受邀回到中華基督教會屯門堂幼稚園進行「親子糖畫工作坊」。雖然幼稚園嘅同學可能比較稚嫩🌱，但係對住「糖🍬」係有無限熱情及創意。喺許善導師分享及示範之後👩‍🏫，同學係家長協助下好快就完全咗首次糖畫體驗，仲可以拎埋戰利品返屋企添😋

感謝中華基督教會屯門堂幼稚園及義工們的參與🙏

2022 下旬

* 「「許善」黃大仙派福袋日🧧 17 Dec 2022 *

2022.12

繼早前2️⃣次喺港島區派飯，今次「許善」轉移到九龍黃大仙區「金大班」進行🙌。金大班係一間充滿外心嘅本地小店，佢哋每日都會派飯盒俾當區嘅老人家（名額有限）。

雖然當日天氣又凍🥶仲大風🌀落雨☔(易拉架都被吹走😨)，都無阻義工們的熱誠服務的愛心💕，今次嘅福袋內容有水果🍊、麵豉醬、活絡油及酒精搓手液，已經有多次派飯及派福袋經驗的義工們已經駕輕就熟😎，好快手就順利完成任務。

2022年已經到最後幾日⏱️，「許善」祝大家2023年身體健康💪及生活愉快🥰。

在此再次多謝「金大班」捐贈美味飯盒及提供場地！

*「許善」生日助人計劃🎂 12月生日之星✨*

2022.12

感謝以下6位12月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Logan Au ⭐Edwin Chan ⭐Amelia Choi
⭐Geoffrey Wong ⭐Kasper Wong ⭐Gilbert Leung

* 「許善」及其義工榮獲「香港義工獎」🏅📜 *

2022.12

好事成雙🧨🧨，繼正式成為教育局「商校合作計劃」認可「合作夥伴」後，許善於昨日(10日)獲「香港義工獎」！ 🏅

今次獎項係由民政及青年事務局與義務工作發展局首度合辦的全港性「香港義工獎」。頒獎典禮於昨日舉行，典禮嘉賓包括ℹ️政務司司長陳國基、民政及青年事務局常任秘書長林雪麗、義務工作發展局主席彭韻僖律師及房屋局副局長戴尚誠等。

「許善」因積極參與及推廣義務工作且表現卓越而成為「最積極參與大賽（非商業機構組）」三個得獎團體之一✌️。另外，除4位管理人員外，亦有8️⃣位「許善」義工分別獲得「香港義工獎（時數）」銀獎及銅獎⏱️。但因疫情關係只可派兩位義工（Eric 及輝哥）代表全部得獎義工上台領獎🏅🎖️

「許善」衷心感謝主辦單位的獎項及對許善工作的肯定🙏。不過最重要系多謝一班無私奉獻嘅善心義工們嘅長期支持🤝，「許善」個獎喺屬於大家嘅！💪🏼💪🏼💪🏼

未來「許善」定必更加努力💪，堅定承傳非遺文化及回饋社會。

以下為本會今次活動中得獎的名單：
1️⃣「最積極參與大賽（非商業機構組）」：許善慈善基金
2️⃣「香港義工獎（時數）」
卓越金獎：Nancy Leung, Iris Leung
金獎： Petrius Lui
銀獎：Michael Lee, Wilson Kwan
銅獎 - Diana Yau, Ernesto Ng, Eric Lau, Lupino Cheung, Luk Pui Sze, Elizabeth Liu ＆ Hikaru Shek

頭條日報「香港義工獎」相關報導：https://bit.ly/HeadlneDailyCoverage

* 許善 x 教育局「商校合作計劃」🏫 *

2022.12

恭喜恭喜，「許善慈善基金」正式成為教育局認可「合作夥伴」。大家共同目標都係帶領學生走出課堂🏃🏃、放眼世界👀，讓他們作好投身職場的準備，迎接未來的挑戰💪。「許善」亦獲教育局邀請出席2022生涯規劃教育研討會💬，其間我哋亦從教育局局長蔡若蓮博士手中接過感謝狀📜。「許善」期望未來可以為更多同學、學校及弱勢社群服務及承傳非遺文化😁。

*「許善」生日助人計劃🎂 11月生日之星✨*

2022.11

感謝以下12位10月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Dr. Pauline Leung ⭐Cora Yew ⭐Ray Chong
⭐Damon So ⭐Stanley Chu ⭐Clara Chiu
⭐Kong Yuk Mui ⭐Dennis Ng ⭐Emma Tam
⭐To Ching ⭐Jolie Lui ⭐Dr. Michael Levis

* 許善義工冠珍醬園參觀日📖 *

2022.11

要承傳非物資文化遺產，係需要不斷學習✍️，許善除左會邀請大師們協助👊，仲會親身去體驗及了解。今次(11月6日)許善安排及邀請咗一眾義工參觀已經有超過90年歷史的「冠珍醬園」，了解廣東式醬油及調味料的釀制方法🏺。園方代表首先分享了有關「冠珍醬園」的歷史及廣東式醬料的基本知識ℹ️，之後就帶義工們參觀釀制醬料的工場及自動化廠房👀，最後更有試食環節添😋! 義工們都表示大開眼界，並希望疫情過後可以安排學校同學參觀，再一同分享非遺知識，讓文化繼續承傳。

感謝「冠珍醬園」的安排及義工們的參與。🙏

* 屯門樂善堂鄧德濂幼稚園麵粉公仔親子工作坊 *

2022.10

唔好以為「非物質文化遺產」一定係好高深困難嘅事🤯，當中除咗係藝術👩‍🎨，亦有唔少係文化承傳▶️。就好似再次喺屯門樂善堂鄧德濂幼稚園🏫舉行的麵粉公仔親子工作坊⚒️，其實幾歲嘅小朋友喺導師及家長的指導下👨‍🏫，就可以做到簡單又可愛的麵粉公仔🥕🦆，當然要做到精品程度就要再深入研習📚。好高興可以再次回到屯門樂善堂鄧德濂幼稚園舉行工作坊，亦感謝校方的邀請。🙏

*「許善」生日助人計劃🎂 10月生日之星✨*

2022.10

⭐Jude Chow ⭐Lok Au ⭐Charlie Mak
⭐Lillian Yip ⭐Noven Wan ⭐Muji Wong

* 許善派飯活動🍚 *

2022.09

許善今次主動出擊👊，在街頭派飯🥡，喺剛剛9月21日我哋9️⃣位義工派發150個愛心飯盒給北角區長者。除咗派愛心飯，我哋仲有環保袋同靚橙🍊、同之前善長捐贈比我哋嘅口罩😷。
當我地義工到埗時，公公婆婆👵🏻👴🏻已經提早黎排隊，未夠5pm埸面已經十分墟冚。各位義工分工合作，準備禮物、裝飯餸、派飯，好快就完成任務，仲有時間同長者們傾吓計添🗣️。

* 堅雜誌訪問📷及上水鳳溪第一小學中國傳統變臉工作坊🐉🌕🎁 *

2022.09

許善成立已經超過3️⃣年，我地一直推廣非遺嘅堅持近年開始被注意📢。除咗不時收到學校查詢或者轉介聯絡🔄，更開始獲傳媒邀請訪問📷。

繼星島日報，今次我地應堅雜誌的邀請受訪。與上水鳳溪第一小學溝通後💬，學校同意許善在該校舉行中國傳統變臉工作坊，並邀請傳媒參與，藉由現場觀察活動👀、訪問同學及許善管理層🎤，從多方面了解許善非遺活動的由籌備、進行至影響等過程及結果。

報導將會不日出街，請留意我地Social Media Update啦! ⚠️

* 許善中秋福袋派發送上千份祝福🌕🎁 *

2022.09

中秋福袋除咗喺早前探訪獨居長者活動時送出之外，我地亦透過唔同嘅社區中心及慈善團體，將總共1️⃣0️⃣0️⃣0️⃣個福袋成功送到長者同埋有需要人士手上🎉，希望各位受惠者都有一個愉快嘅中秋節!🌕

同時亦感謝以下團體及機構協助分發福袋🙏
❤️香港晨曦會 (福音戒毒機構)
❤️香港戒毒會坳頭青年中心
❤️得新團契
❤️社會福利署(旗下)
▪️啟德綜合家庭服務中心 ▪️東區及灣仔保護家庭兒童課
▪️西葵涌綜合家庭服務中心 ▪️北青衣綜合家庭服務中心
▪️南青衣綜合家庭服務中心 ▪️西荃灣綜合家庭服務中心

* 許善 x 聖雅各福群會探訪獨居長者及致送福袋🥮🎁 *

2022.09

許善參與由長期合作伙伴 - 聖雅各福群會的「電話送暖計劃」已經有6️⃣個月，計劃目的係透過打電話📞關懷疫情中未能外出的獨居長者精神健康及狀況🍎。上個星期六(9月3日)，參與此計劃的許善義工終於有機會與長者會面👀，仲親手送上中秋福袋!💕

當日我哋一早喺聖雅各福群會總部大樓集合🕘，之後兵分二路分別探訪九龍東同九龍西嘅獨居長者。義工同長者都一見如故👥，除咗送上福袋仲會同長者寒暄一番閒話家常💬，不經不覺建立一種信任關係✅

*許善義工隊中秋福袋包裝日2022🌕*

2022.09

一年容易又中秋🍂，今個星期六就係中秋節喇。許善當然唔會忘記社會上有需要嘅人士💞，管理層成功搜羅物資後，早前再次集結義工包裝福袋🧧，準備為獨居長者送上祝福🤲。中秋福袋當然唔少得有月餅🥮，仲有防疫及檢測物品😷、食物(帆立貝、豆乳、腸仔、即食麵等😋)、護腕、日用品及環保袋等等。今次仲有唔少小朋友義工👦🏻趁暑假黎幫手，立即令到整過過程加倍歡樂🥳。小朋友亦透過親身參與，了解社會上不同階層的需要。許善衷心感謝義工的幫忙及善長捐出物資🙇🏻‍♂️，稍後我哋許善義工會聯同聖雅各福群會將福袋一一係中秋節前送到老人家手中❤️

謹此鳴謝以下贊助單位(不分先後)：
❤️士多Ztore ❤️滿貫(亞太)集團有限公司

❤️Lubuds Food & Beverage Group ❤️阿鴻小食 ❤️Mr David Chan

*「許善」生日助人計劃🎂 9月生日之星✨*

2022.09

感謝以下10位9月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)

⭐Donna Chan ⭐Gigi Woo ⭐Kenneth Chan
⭐Dicson Hung ⭐Martin Hui ⭐Brian Tse
⭐Felicia Law ⭐Lucy Chan ⭐Tracy Yeung ⭐Isabella Lee

*「許善」生日助人計劃🎂 8月生日之星✨*

2022.08

⭐Sylvia Chiu ⭐Eric Lau ⭐Ken Lee

⭐Lou Chung ⭐Clement Yip ⭐Ken Chow

⭐Henry Hui ⭐Liu Yui Kai ⭐Lupino Cheung

*「「許善」x 「中藝」 - 上水鳯溪第一小學工作坊*

2022.07

相隔2️⃣個月，「中華·藝興」文化傳承工作坊/許善「我要承傳」工作坊再次舉行📢，繼上次中國傳統變臉表演分享會反應熱烈，許善再次回歸上水鳯溪第一小學。今次工作坊內容包括刺繡🪡、中國書法🐉及畫臉譜🎨。喺經驗豐富的義工導師講解有關歷史及資料後👩‍🏫👨‍🏫，同學們就可以即場試玩試做。為咗提高趣味🔝，刺繡班準備了花朵及Q版動物等現代的圖案；畫臉譜雖然有參考圖片，但亦無阻同學自由發揮；中國書法就由基礎象形文字學起。

藉此感謝中藝贊助及校方與同學的參與。🙏

*「許善」生日助人計劃🎂 7月生日之星✨*

2022.07

感謝以下13位7月生日的善長人翁參與「許善」生日助人計劃，將部分預備慶祝生日的支出轉為捐款，支持「許善」服務社會。「許善」祝各位善長生日快樂🥳、身體健康💪同時亦預先為受惠人士感謝善長的慷慨解囊🙏。(排名以出生日子先後排列)
⭐Maggie Zhang ⭐Hikaru Shek ⭐Nancy Leung ⭐Warren Chan
⭐Gabrielle Zhou ⭐Stephen Loh ⭐Catherine Liu ⭐Lily Lau
⭐Katherine Hui ⭐Alkie Tang ⭐Vincent Hau ⭐Gary Lam ⭐Lyon Lau

* 生日助人計劃🎂 6月生日之星✨*

2022.06

⭐Jason Yang ⭐Amanda Ng ⭐Blackmore Chan ⭐Lesley Lam
⭐Joe Leung ⭐Rimsky Yuen ⭐Fanice Lui ⭐Scarlet Pong ⭐Roden Tong

* 許善✖️中華基督教屯門堂何福堂幼稚園/幼兒園中國結工作坊*

2022.06

許善義工團又出動喇🚀，今次去咗中華基督教屯門堂何福堂幼稚園/幼兒園義教同學仔整中國結🧶。唔好以為中國結就一定係老套嘢🙅‍♂️，今次我哋準備咗多種顏色繩索給同學們自由配搭，仲有唔同造型珠仔🟢🔵🟣，做出使用中國傳統技藝又有個人風格的中國結🐉作品。為咗同學們更易學習，我哋準備咗小貼紙1️⃣2️⃣為同學們分左右添! 每個參加嘅小朋友仲獲贈一條自己親手做嘅許善夜光珠手串👍🏻